Via Tokyo (已結業)

朋友力推，但成日見到排長龍，所以放棄咗幾次。是晚可能係因為平日十點後，見唔使排隊，即刻趁機去試。但其實一入到去係坐無虛席，好彩攞到最後一張枱。第一次試就只揀抹茶，咁樣就可以試真啲個味。佢抹茶味好香，食落唔算太濃，所以冇苦澀味，怕太濃味又或者怕奶味重嘅，呢間味道啱啱好。而且雪糕好滑，軟雪糕嘛。喜歡食糯米糰，呢個口感唔會太韌，顏色好靚，好襯個雪糕，下次會再叫呀！雖然係坐得迫啲， 但個感覺更有日本地道風味。