老長沙湘菜館

營業中

休息中

今日有事去旺角，搞完事都已經好晏，正正遲少少晚餐時候，比呢間老長沙湘菜館吸引，心諗咁大個人都未食過湘菜，就同老公一齊試下。上到去，好像酒樓咁，一張張大台，不過都有細枱，坐得舒服，見仲有房可以包房，入面d房都已有客人。我地點左大盤有機花菜，乾鍋雞，土匪豬肝。全部都好食，原來湘菜係食辣的，先上碟嘅係乾鍋雞，有個盆著住火咁上碟的，很香，又辣又惹味，雞嘅肉質又滑，好食。食完雞已經好好食好送飯，點知土匪豬肝更加好食，都係加左大量辣椒，豬肝又鮮又爽口，加埋辣得嚟又香，好食到停吾到口。大盤有機花菜，都真係好大盤，應該幾個人份量食，炒得很爽又有口感，就咁碟菜送飯都好好食了。價錢就咁睇menu好像少貴，不過佢真係每碟都大大份，可以多d人來食包房應該吾錯。