台北車站 (已結業)

上次經過見到原來呢度有烤魚食，今次同埋屋企人嚟試下。條魚係鉗魚，都幾大條，而伴菜有芽菜、豆卜、蓮藕、海帶、木耳、芫荽、萵筍。上枱後滾返熱就開動，估唔到魚嘅肉質又幾嫩滑。肉都厚身，唔會好多骨。落單前交帶左唔好太辣，所以酸味比較重，味道都唔錯。另外叫咗兩個小食，涼拌青瓜木耳。微微嘅辣加上酸酸地，係一個好開胃嘅小菜。另外叫咗兩支茶。最後仲嗌多咗個炸香芋丸，甜甜哋，煙煙韌韌，幾得意。呢個甜品為呢一餐畫上完美嘅句號。