兩姊妹涼皮有限公司 (教育路)

營業中

休息中

雖然成日經過，但又無發現到，今次終於可以食到啦😉！叫咗個招牌兩姊妹涼皮（$29）+雞蛋乾（$7）。涼皮每條分明，入口冰冰涼涼，喺呢個有28度的冬天（春天？）實在令人感覺舒服。表面會灑上芫荽、葱（我走咗）、青瓜絲、花生碎及脆脆碗豆，加上靈魂醬汁，令到成個涼皮十分惹味！但份量嚟講，如果一個細食的女仔應該夠，大食啲都唔夠飽了。我要少小辣，我相信辣嘅程度都係就香港人而作出調整，因為真係唔算辣。雞蛋乾呢，點睇都係鹵豆腐🤣，但食落真係蛋嘅質量，感覺幾特別。