陳儀興牛什粉麵茶餐廳

營業中

休息中

初試隔離村正牛腩今日吾係太想周圍走去買外賣食，就係屋企附近買野食就當晚餐。平時都好少係樓下安泰買野，見到有麵檔就睇下，好多人排緊隊等外賣，加上好香既味，今晚就食佢。叫左撈麵同牛雜2份食。牛三寶撈幼麵呢碗麵要推介一下，第一幾大兜，餸有牛腩，牛肚同牛筋。牛腩都大塊，入口即咬好淋好香牛味，牛筋煮得剛好，吾會好淋，牛肚都好正。分開個湯都吾會好咸，幾清澈。幼麵無簡水味~吾錯，夠多。五香牛雜有好多料，牛肚、牛肺、牛膀、粉腸、大腸，外賣都好大盒，每樣料都幾好味。我比較欣賞個牛肺，好淋好滑，吸收左滷水味，仲有d咬口，另外仲有菜底，有菜配埋，吾會太寡。佢個辣椒醬同D麵都幾夾，吾會辣到噴火，最緊要香得黎提味。