影片
更多
2008-12-08
3 瀏覽
今個星期, 好多識食之人的焦點, 都放在米芝蓮上。這個被本地食家一致狂踩、欠缺代表性的食肆推介, 好像連一間四川、潮州食肆都冇 .............. 真係流晒汗!雲陽閣未必係全港最出眾的川菜館, 沒有詠藜園的擔擔麵, 水煮系列也沒有滿江紅的多樣化, 更沒有小辣椒的辣度, 不過, 它裝修比較堂皇, 以米芝連選食肆的標準, 理應入選吧?今晚去了食飯, 碰巧水煮牛肉半價(12月每日都有一款小菜半價, 幾抵), 一試, 水準真的跟滿江紅差一大截, 不夠辣還是其次, 不夠熱才致命 ----------- 唔通做半價就大量生產, 煮好晒, 好似快餐店咁「筆」出嚟畀人食?辣子腸頭是得獎作品(只不過是某雜誌自以搞的), 果然極出色! 大腸當然有本身的獨特味道, 而且炸得好香脆, 再加上麻、辣, 幾乎成碟畀我一個人掃晒 -------- 當然, 不喜歡大腸的人, 就不要理會了。乾煎雞跟譚魚頭的辣子雞相似, 大塊d, 但不夠譚魚頭的辣。賣相同辣子腸頭幾乎一模一樣(又係大量的辣椒、辣椒乾同花椒), 但味道就好唔同, 可能同d雞有醃過有關。餐牌上給予最高的三隻椒, 其實呢, 比佐敦的雲貴川的麻辣米線,
雲陽閣未必係全港最出眾的川菜館, 沒有詠藜園的擔擔麵, 水煮系列也沒有滿江紅的多樣化, 更沒有小辣椒的辣度, 不過, 它裝修比較堂皇, 以米芝連選食肆的標準, 理應入選吧?
今晚去了食飯, 碰巧水煮牛肉半價(12月每日都有一款小菜半價, 幾抵), 一試, 水準真的跟滿江紅差一大截, 不夠辣還是其次, 不夠熱才致命 ----------- 唔通做半價就大量生產, 煮好晒, 好似快餐店咁「筆」出嚟畀人食?
辣子腸頭是得獎作品(只不過是某雜誌自以搞的), 果然極出色! 大腸當然有本身的獨特味道, 而且炸得好香脆, 再加上麻、辣, 幾乎成碟畀我一個人掃晒 -------- 當然, 不喜歡大腸的人, 就不要理會了。
乾煎雞跟譚魚頭的辣子雞相似, 大塊d, 但不夠譚魚頭的辣。賣相同辣子腸頭幾乎一模一樣(又係大量的辣椒、辣椒乾同花椒), 但味道就好唔同, 可能同d雞有醃過有關。餐牌上給予最高的三隻椒, 其實呢, 比佐敦的雲貴川的麻辣米線, 差得遠(有次我不過是叫中辣, 個咀麻晒不得止, 辣到冇法食得晒!)。
------ 除了上述提及過的食肆外, 香港可能真係冇乜像樣的川菜館, 但, 真係冇一間值得被迷芝蓮推介嗎?
不妨再說一件事, 反映外國人的取向。我今晚留意到有兩個外國人, 在雲陽閣叫了支xo, 我好奇佢哋會叫甚麼川菜食啦, 結果呢, 係一味鐵板菜(睇唔到係咩餸), 同炒麵 ............ 你期望佢哋會欣賞食到成個咀麻晒的感覺嗎?
就當米芝連是畀外國遊客睇的旅遊書吧!
張貼