影片
更多
2020-10-14
147 瀏覽
店舖位於蘇豪區，一經過條街一定會比佢個店面吸引，門面裝修相當有特色，白色配粉紅色瓷磚，充滿玩味同設計感。一入到去更加仿如置身台灣bar，門口更有‘我愛台妹’嘅霓虹燈，好有feel。店內仲播住耳熟能詳嘅台灣歌，非常chill。店員本來安排我哋坐二人枱，之後有另一枱客走咗，就幫我哋搬去四人枱。店員仲好細心同我哋講枱上枝消毒噴霧可以用嚟消毒餐具同雙手。❤️手繪雙色鹽酥雞 $88超級酥脆，個炸漿厚度啱啱好，完全無油膉味！咬一啖已經出哂煙，肉質嫩滑多汁，好juicy！佢仲有配雙色醬-黑松露醬&柚子醬！黑松露醬比較濃，柚子醬比較清新開胃！我就中意輪住點嚟食！我個人認為可以同台灣嘅鹽酥雞媲美，非常推薦！好食度：⭐️⭐️⭐️⭐️(4/5)✅好靚適合打咭❤️酸辣牛肉麵 $118店員介紹我哋加辣牛油落啲湯度，加完的確鮮味咗，更有牛肉香。麵底我揀咗寬粉絲，好入味同有咬口，浸耐咗都唔會太淋。牛肉用咗牛𦟌位，好軟腍又入味。蟲草花有炸過，非常香口。豆腐口感特別，好Q彈，索哂啲湯汁。整體嚟講唔算太辣，對我嚟講可以再辣些少。好食度：⭐️⭐️⭐️✨(3.5/5)✅用料十足，好多蟲草花❤️溏心蛋魯肉飯 $55個蛋好有酒香，流心程度岩岩好。魯
店員本來安排我哋坐二人枱，之後有另一枱客走咗，就幫我哋搬去四人枱。店員仲好細心同我哋講枱上枝消毒噴霧可以用嚟消毒餐具同雙手。
❤️手繪雙色鹽酥雞 $88
手繪雙色鹽酥雞
$88
11 瀏覽
0 讚好
0 留言
超級酥脆，個炸漿厚度啱啱好，完全無油膉味！咬一啖已經出哂煙，肉質嫩滑多汁，好juicy！佢仲有配雙色醬-黑松露醬&柚子醬！黑松露醬比較濃，柚子醬比較清新開胃！我就中意輪住點嚟食！我個人認為可以同台灣嘅鹽酥雞媲美，非常推薦！
好食度：⭐️⭐️⭐️⭐️(4/5)
✅好靚適合打咭
❤️酸辣牛肉麵 $118
酸辣牛肉麵
$118
11 瀏覽
0 讚好
0 留言
店員介紹我哋加辣牛油落啲湯度，加完的確鮮味咗，更有牛肉香。麵底我揀咗寬粉絲，好入味同有咬口，浸耐咗都唔會太淋。牛肉用咗牛𦟌位，好軟腍又入味。蟲草花有炸過，非常香口。豆腐口感特別，好Q彈，索哂啲湯汁。整體嚟講唔算太辣，對我嚟講可以再辣些少。
好食度：⭐️⭐️⭐️✨(3.5/5)
✅用料十足，好多蟲草花
❤️溏心蛋魯肉飯 $55
溏心蛋魯肉飯
$55
8 瀏覽
0 讚好
0 留言
個蛋好有酒香，流心程度岩岩好。魯肉份量多，粒粒分明，肥瘦適中，唔會整到一pat肉碎醬咁。如果可以多返少少汁就perfect啦！
好食度：⭐️⭐️⭐️✨(3.5/5)
❤️(左) 經典珍珠奶茶 $48 / (右)冬瓜茶鮮奶 $48
6 瀏覽
0 讚好
0 留言
珍珠奶茶茶味好濃，但略甜。冬瓜茶嘅鮮奶份量比較多，冬瓜茶味比較淡。味道中規中矩。
好飲度：⭐️⭐️✨(2.5/5)
餐廳推薦度：⭐️⭐️⭐️✨(3.5/5)
環境舒適，裝修好靚，非常適合打咭。菜色同飲品方面啲名都好創新有創意！成間店無論裝飾，餐牌都設計感十足，加分！味道方面亦都貼近台灣味道，有去咗台灣嘅感覺！下次會想試下佢個奶奶麻糬！
張貼
