影片
更多
2018-08-15
346 瀏覽
講起緬甸菜， 大家有可能會覺得陌生。 雖然緬甸鄰近泰國同印度， 但佢嘅菜式比起印度菜較少用濃烈嘅香料， 比起泰國菜亦冇咁酸辣。呢一間《緬甸招牌米線》 係一間家庭式嘅小店。 老闆娘承繼著媽媽煮緬甸菜色嘅傳統，用心打造最傳統嘅緬甸菜介紹比香港人。第一間分店開喺勝利道， 由於店舖面積較為小， 老闆就係附近嘅窩打老道開咗第二間分店。 店舖闊落咗， 自然就吸引多咗客人來嘗試 異國菜式啦。店舖嘅門口貼滿咗形形式式雜誌同埋電視飲食節目嘅介紹， 深得名人推介。呢間餐廳最出名嘅緬甸菜式莫過於呢碗【緬甸招牌鮮魚濃湯米線】， 幾乎係每一枱客人都必點嘅item， 魚湯嘅色澤呈金黃色， 湯頭用咗大量嘅魚同雞去淆製， 當然係鮮味十足喇~ 食米線之前記得一定要呷一口湯， 品嚐一下魚嘅鮮味以及各款香料嘅層次。 熱辣辣嘅魚湯非常之清甜， 而且仲可以品嘗到魚蓉， 證明真係真材實料。 再食一啖米線， 米線質地夠曬爽滑彈牙。 配合埋魚片以及豆卜等等配料，加埋我最鍾意嘅芫茜， 就形成一碗極具風味嘅緬甸地道魚湯米線， 食得出有家的味道。另外呢款【緬甸香滑椰汁雞麵】同樣令人印象難忘。 初時以為金黃色嘅椰汁一定帶有咖哩味， 一口吃下
呢一間《緬甸招牌米線》 係一間家庭式嘅小店。 老闆娘承繼著媽媽煮緬甸菜色嘅傳統，用心打造最傳統嘅緬甸菜介紹比香港人。
第一間分店開喺勝利道， 由於店舖面積較為小， 老闆就係附近嘅窩打老道開咗第二間分店。 店舖闊落咗， 自然就吸引多咗客人來嘗試 異國菜式啦。
店舖嘅門口貼滿咗形形式式雜誌同埋電視飲食節目嘅介紹， 深得名人推介。
呢間餐廳最出名嘅緬甸菜式莫過於呢碗【緬甸招牌鮮魚濃湯米線】， 幾乎係每一枱客人都必點嘅item， 魚湯嘅色澤呈金黃色， 湯頭用咗大量嘅魚同雞去淆製， 當然係鮮味十足喇~ 食米線之前記得一定要呷一口湯， 品嚐一下魚嘅鮮味以及各款香料嘅層次。 熱辣辣嘅魚湯非常之清甜， 而且仲可以品嘗到魚蓉， 證明真係真材實料。 再食一啖米線， 米線質地夠曬爽滑彈牙。 配合埋魚片以及豆卜等等配料，加埋我最鍾意嘅芫茜， 就形成一碗極具風味嘅緬甸地道魚湯米線， 食得出有家的味道。
另外呢款【緬甸香滑椰汁雞麵】同樣令人印象難忘。 初時以為金黃色嘅椰汁一定帶有咖哩味， 一口吃下，才知道原來金黃色係嚟自黃薑粉， 而且一啲都唔辣， 非常啱小朋友口味。食落有濃濃嘅椰汁香氣， 帶有點點甜味， 而且椰汁非常之掛麵， 每一條麵條都索滿椰汁， 非常滋味。椰汁同樣地都用上咗多款嘅香料，甚具東南亞嘅氣息。 呢一本椰汁雞麵有成4、5件雞塊， 每件雞都非常之嫩滑而且多汁， 味道絕不比魚湯麵遜色。
另外呢個【緬甸特產茶葉沙律】味道清新， 用上咗椰菜，番茄等新鮮材料， 加上燻過嘅緬甸茶葉，食落有非常突出嘅茶葉香氣，配合埋秘製嘅酸辣醬汁，食落酸酸甜甜，非常之開胃醒神，整體感覺非常特別。
另外呢個【緬甸家鄉手抓餅】，可謂金香鬆脆，手抓餅熱辣辣，即叫即製， 金黃色嘅外表非常吸引，外面酥香，點買秘製嘅咖哩汁，非常惹味。
最後飲埋呢杯【緬甸龍眼冰】，龍眼清甜十足，用嚟配襯味道比較濃嘅緬甸菜式非常合適，既解渴，又滋潤。
整體而言，呢家緬甸餐廳非常之有特色， 而且因為係小店， 食得出嗰份人情味，同埋老闆嘅用心，以及對食材嘅堅持。大家不妨鼎力支持小店，令一間咁用心嘅餐廳可以繼續發揚緬甸菜嘅滋味。
張貼
