金記冰室 (黃大仙中心南館) (裝修中)

今晚同媽咪去黃大仙嘅金記冰室食晚餐，雖然係茶餐廳，但係裝修設計別緻，冠冕堂皇得來又融合咗香港嘅特色。而且，金記冰室係用手提電話落單，真係非一般嘅茶餐廳。今晚媽咪就叫咗一個無骨海南雞飯套餐，海南雞非常之嫩滑， 再配埋老火湯，又開胃，又健康。 我今晚就放縱少少，叫咗個鐵板西冷扒餐，配意粉同埋蒜蓉汁。西冷扒七成熟，口感適中，份量充足，我最鍾意西冷扒嘅筋，最入味，入口即溶。我哋嗌左兩杯水果茶，芒果凍頂烏龍冷泡茶， 同埋檸檬四季春冷泡茶，水果味清新，加上淡淡泡茶香，啱晒夏天。