GoNuts. (已結業)

今次去左間將南𝐂𝐚𝐟𝐞甜品款式好多選擇原來係由人氣甜品店HeySoNuts同埋精釀啤酒店Once You Go Craft團隊開餐廳以橙色為裝修主題菜式好特別 仲有精釀啤酒🍻🔸酥炸雞軟骨配自家製蒜蓉蛋黃醬 $98雞軟骨嘅份量都幾多，炸得非常金黃香脆，睇到都流哂口水。食落非常有咬口，而且唔覺好油膩，點埋秘製嘅蒜蓉蛋黃醬就仲正。🔸龍蝦喇沙汁魷魚意粉 $148意粉嘅口感滑溜彈牙，而且非常掛汁，十分高質。龍蝦喇沙汁微酸帶點辣，惹味得嚟好開胃，魷魚亦都好彈牙，同個醬汁好夾。🔸法式千層酥配蘋果金寶及雲呢拿雪糕 $88千層酥嘅酥皮非常鬆化，每一層都層次分明，食落口感酥軟到不得了。千層酥中間夾咗奶黃醬，味道同千層酥好夾，頂層仲有蘋果金寶，令口感更有層次。🔸窩夫配曲奇忌廉及曲奇忌廉雪糕 $102窩夫嘅外層焗得好香脆，內裡就好鬆軟，口感真係好有層次。窩夫嘅蛋味好香濃，曲奇忌廉亦都好夾窩夫，配埋曲奇忌廉雪糕就非常完美。