雲魅 (已結業)

放工本來約咗朋友食726一樓嘅麵麵，但嚟到先發覺原來已經結業，失望之際發現樓上開咗間新嘅米線店，上去一睇發現竟然座無虛席。餐廳主打過橋米線，除咗幾款特色湯底之外，仲有四款豪華米線配料，非常有特色。枱面仲有小提示牌建議食客加入食材嘅先後次序同步驟，非常細心。文山精緻配料有酥肉、炸醬、鵪鶉蛋、蝦、響鈴、帶子、蟲草花、粟米、芫荽蔥、酸菜同牛肉，超級豐富，簡直可以用豪華嚟形容。湯底用一大個石鍋裝住，加熱後先送上枱，熱力足夠令食材全熟，老壇酸菜湯鮮香濃郁，酸得嚟帶少少辣勁，配上米線非常合襯。昆明風味配料有鵪鶉蛋、魚腐、餐肉、酥肉、炸醬、響鈴、酸菜、粟米、蕃茄仔、芫荽蔥同牛肉，比文山配料貼地，但同樣豐富，而且有我至愛嘅魚腐同餐肉。雜菌素湯味道較為清淡，適合唔食辣嘅朋友，加入唔同種類嘅菇菌同杞子，雖然冇香辣湯底嘅刺激感，但鮮味突出。湯底加入所有配料同米線之後份量好多，而且配料種類多，感覺一啲都唔單調。蜂蜜紅棗茶味道清甜滋潤，紅棗嘅味道非常突出，好適合初秋嘅天氣。菊花薑蜜味道亦唔錯，仲可以見到一棵棵盛開嘅小菊花，薑味明顯但係唔會太辣。米線食得多，但咁豪華嘅配搭係第一次食，話佢係米線中嘅貴族亦不為過，除