影片
更多
2008-02-06
24 瀏覽
13Sep2007 1315這一間一直想試，夜晚暫時未捨得去住，午巿得一至五有，難得平日放假，唔去幾時去呢？寫既時候得知他們的官方網站已移除餐單細節，而當日亦沒有映menu，好多只能憑少少記憶去寫，想睇得詳細者請勿看此食評又或者當呢個係「馬評」。有午巿套餐($130)，亦有一份係就由晚巿移上午巿成為廚師推介($250)，我就問其中一位話事人(Ricky 當日不在餐廳裡)，可唔可以crossover，即係午巿及晚巿選擇一部份，經過他同大廚商量就沒有問題，咁個set lunch 就變為$180。未上菜前先上一籃麵包，沒有太大驚喜，但係要點檻欖油加上黑醋先好食，正如兒時食餅乾或麵包硬係要浸係甜飲品一樣道理，食完後我要求再來一客，今次的形狀同之前的有點不同，份量亦多一陪。頭盤終於上場，首先係哈密瓜配parma ham (prosciutto)，哈密瓜多汁得來又唔會好熟，倒比多汁林身的好好多，亦有些食店會以蜜瓜代替，這樣配搭，唔識食的我只試過Toscana，論質感來講前者嬴曬，絕不是先入為主。忌廉雜菌湯，勝在係自製兼creamy，與開罐頭既天與地之別，送麵包一流。主菜我選擇左牛柳配半隻蛋白大蝦，
這一間一直想試，夜晚暫時未捨得去住，午巿得一至五有，難得平日放假，唔去幾時去呢？寫既時候得知他們的官方網站已移除餐單細節，而當日亦沒有映menu，好多只能憑少少記憶去寫，想睇得詳細者請勿看此食評又或者當呢個係「馬評」。
有午巿套餐($130)，亦有一份係就由晚巿移上午巿成為廚師推介($250)，我就問其中一位話事人(Ricky 當日不在餐廳裡)，可唔可以crossover，即係午巿及晚巿選擇一部份，經過他同大廚商量就沒有問題，咁個set lunch 就變為$180。
未上菜前先上一籃麵包，沒有太大驚喜，但係要點檻欖油加上黑醋先好食，正如兒時食餅乾或麵包硬係要浸係甜飲品一樣道理，食完後我要求再來一客，今次的形狀同之前的有點不同，份量亦多一陪。頭盤終於上場，首先係哈密瓜配parma ham (prosciutto)，哈密瓜多汁得來又唔會好熟，倒比多汁林身的好好多，亦有些食店會以蜜瓜代替，這樣配搭，唔識食的我只試過Toscana，論質感來講前者嬴曬，絕不是先入為主。
忌廉雜菌湯，勝在係自製兼creamy，與開罐頭既天與地之別，送麵包一流。
主菜我選擇左牛柳配半隻蛋白大蝦，個名由英文直譯中文一定唔係咁，配菜有菠菜、煎乾蕃茄粒及薯仔粒。配菜及主菜一樣好食，平分春色。配菜的味道能夠帶出它們的原味；主菜分為大蝦及牛柳，半隻大蝦煎好後，塗上海鮮蛋白mousse，當中以魚的份量最重，不排除用魚湯開蛋白，然後攪拌到可以起膠狀，再入焗爐，最後淋上黑檻欖汁，呢隻蝦創意滿分，蝦新鮮，沒有，蛋白味道有點奇怪但又新奇，而黑檻欖汁一定同它們一齊，唔係會好鹹；牛柳配似蕃茄醬一齊，一食落去我第一個反應係似食西式瘦牛腩，牛味稍為欠缺，肉汁及柔軟度係最考廚師功架，稍為失手，成件牛立即報銷，我想這種牛應該這樣的口味，不像我地去豉油西餐梳打牛肉或去高級食府食的幾多成熟牛柳，自己亦絕對信任他們烹調方法。
最後的甜品亦好特別，三點及九點為喱菠蘿粒，十二點為朱古力mousse，六點為芒果sorbet，mousse 一點也不甜，好有朱古力香味，喱菠蘿粒是第一關卡來清新口腔內的味道，芒果sorbet 成型後再打成為不規則的型態，味到頗甜，證明沒有一點純水冰粒，作為最後清關工作。最後以一杯double espresso 結尾。
期間都有同話事人傾番兩句，尤其在主菜的估計及意見，他還仲話幫我映玉照，我口說不須要，心裡其實寒一寒。
連一枝30蚊的Evian 及加一，盛為232 蚊，抵唔抵見人見智，但在東區來講(由天后至柴灣)，級數絕無僅有，否則只識帶人去鯉景灣。
張貼
