Infinity Workshop Cafe (已結業)

旺角出名旺， 人多車多， 喺呢度行完街， 好想搵個地方hea一下 。喺OP search一下， 見呢道唔錯， 於是一試。呢度係通菜街尾， H&M對面。 樓下人聲鼎沸 ，就算係𨋢口都有人派傳單高叫為樓上啲食肆拉客，但係去到五樓，地方好大好唔錯， 座位之間好寬敞，我哋就係坐喺大窗邊旁邊嘅梳化椅。仲未正式放暑假， 但係今日阿仔學校假期，老公咁啱又放假， 難得喺呢個平日食個tea， 唔使同人逼。 Cafe播住悠揚嘅英文歌，幾好feel。 仔仔嗌咗佢至愛， 扭扭薯條， 即叫即炸， 香脆美味。老公嗌咗炸蝦洋蔥圈配芝士條，都係即叫即炸 ，熱辣辣， 蝦，洋蔥，芝士被炸漿包著炸， 一口咬下， 外脆內軟， 好滿足。我叫咗黑松露油炒滑蛋牛角包， 黑松露跟滑蛋係絕配。最鍾意佢嘅特色飲品，tea set 加$18。 全部可以喺童話世界搵到。小熊維尼 ，即菠蘿，熱情果，橙汁。 酸酸甜甜，透心涼黑魔后， 一啲都唔得人驚。 係可樂，咖啡，曲奇，棉花糖組成 紅靴玩具兵， 即凍鮮奶抹茶配日式紅豆。 雖然呢個要原價 ，但我呢個抹茶控梗係唔錯過啦， 紅豆好淋， 綠茶回甘仲有好鍾意佢哋嗰隻餐碟好休閒嘅食咗個下午茶， 叉完電 ，