M9日式居酒屋 (已結業)

長沙灣嘅大街小巷向來都有好多小舖頭，餐廳都好多種類，今次俾我搵到呢間是式居酒屋真係幸運。所有試過嘅食物都非常高質素，環境好服務好，座位好舒服！鍾意食魚生嘅我，對魚生好高要求，魚生新唔新鮮，通常一試就知。今次試嘅魚生都非常美味，可以話係咁多間日本餐廳最好食嘅一間。我地叫咗雜錦魚生，裏面有好多三文魚，希靈魚等等，上面舖滿三文魚籽，食落去吃感豐富，好多汁好鮮甜，仲有d秘制醬汁加上去，帶出佢嘅鮮味。深海池魚唔知大家又試過未呢？呢個意想不到地好食，食落去甜甜地，一d都唔腥，真係要俾一個大讚👍🏻仲有食咗鹽燒大蝦，燒得啱啱好，差唔多冇燒焦過，上面嘅鹽好好味，肉質彈牙爽口，份量仲好足夠添！串燒都燒得非常好，免治雞肉串裏面有d爽口，口感好得意，燒牛串都好香架。個枝豆都好高質！個蒸蛋好特別，上面加咗黑松露，同蒸蛋嘅味道係絕配，仲要好滑，好食過其他日本餐廳好多，仲要落足料，裏面好多蟹柳！所以我極力推薦呢間居酒屋，係食日本野必試嘅餐廳！