Chalet (已結業)

放工後和友人來到位於愉景新城對面—Chalet，餐廳有兩層，以粗石磚牆裝飾為主，配以高檯高凳。看得出餐廳用心裝修，環境有情調。而我們就選擇坐在地下近窗位置，可以看到街外風光。我們點了一個dinner set和一個意大利飯share。是日餐湯入面係洋蔥湯，入面有好多洋蔥，不會酸澀，而且高湯突顯出洋蔥淡淡清甜味，旁邊麵包極脆。頭盤點了半熟吞拿魚伴三文魚子，透過熟成處理，所以口感結實，味道如煙吞拿魚。加上伴碟鮮甜三文魚子及醬料，十分開胃。美式燒烤醬烤白春雞配中東米、火箭菜沙律 $278 :上碟時已經聞到香濃燒雞肉味，雞肉醬汁濃稠惹味。第一次品嚐中東米，它外形似黃金小米，十分微細，口感細緻。中東米混以蕃茄同西芹粒，健康又別有風味。法國麵包蟹燴意大利飯$248:擺盤好靚，有兩隻蟹腳，仲有炸左意大利麵條造成圓拱形。吃起來醬汁夠Creamy，但不會好漏 。意大利飯中有好多蟹肉碎，十分足料，吃起來更有質感。布甸香甜幼滑，為這餐畫上一個完滿句號。餐廳侍應照顧周到，對住熙來攘往馬路上，看著車來車往，享受異國菜，別有一番風味。餐廳需要加一收費