影片
更多
2017-07-30
63 瀏覽
講真吖，平時都係喺居酒屋度食串燒嘅，通常都會好貴，所以一聽到工廈有串燒食就即刻要來試吓啦，結果真係不負眾望😍😍平均來講，串燒都係大約10幾蚊一串啦，咁當然特色啲嘅嘢食就會貴啲啦，我同個friend兩個女仔都叫咗好多串，埋單都係三百零蚊到，仲要叫咗兩杯野飲，飽到捧住個肚走添啊。講返正題，特別有幾樣嘢食真心覺得一定要再食，包括有燒豬頸肉，燒秋葵，燒明太子飯團，同埋蒜蓉茄子。逐樣逐樣介紹下啦：燒豬頸肉個肉質好腍，但係啲邊邊好脆口，再配埋啲泰式辣汁，好惹味燒秋葵，燒完個感覺唔會食到秋葵入面嗰啲滑嘅感覺，再配埋少少檸檬汁辟埋啲草腥味，令到成件事更易入口燒明太子飯團，佢將啲飯燒到好似飯焦咁，外脆內軟，而且明太子再配上沙律醬個味好夾，真心值得encore 個蒜蓉茄子蒜香味好重，茄子唔會燒到太乾身，正！食完咁重口味咁熱氣嘅嘢，飲番杯水果花茶，成件事即刻冇咁有罪惡感哈哈呢度絕對係放工同朋友聚腳放鬆嘅好地方
平均來講，串燒都係大約10幾蚊一串啦，咁當然特色啲嘅嘢食就會貴啲啦，我同個friend兩個女仔都叫咗好多串，埋單都係三百零蚊到，仲要叫咗兩杯野飲，飽到捧住個肚走添啊。
講返正題，特別有幾樣嘢食真心覺得一定要再食，包括有燒豬頸肉，燒秋葵，燒明太子飯團，同埋蒜蓉茄子。
逐樣逐樣介紹下啦：
燒豬頸肉個肉質好腍，但係啲邊邊好脆口，再配埋啲泰式辣汁，好惹味
燒秋葵，燒完個感覺唔會食到秋葵入面嗰啲滑嘅感覺，再配埋少少檸檬汁辟埋啲草腥味，令到成件事更易入口
燒明太子飯團，佢將啲飯燒到好似飯焦咁，外脆內軟，而且明太子再配上沙律醬個味好夾，真心值得encore
個蒜蓉茄子蒜香味好重，茄子唔會燒到太乾身，正！
食完咁重口味咁熱氣嘅嘢，飲番杯水果花茶，成件事即刻冇咁有罪惡感哈哈
呢度絕對係放工同朋友聚腳放鬆嘅好地方
張貼
