Plan B Cafe (已結業)

*此餐廳收取加一服務費。芝士明太子蟹肉焗長通粉（單點$128），表面鋪有蟹籽、木魚花、紫菜，好足料，芝士、明太子份量多，蟹肉碎散，加上明太子味道帶點辛辣，Cover咗佢嘅鮮甜。法式多士配生果伴雪糕（單點$70），綠茶雪糕茶味濃厚，多士食落偏油膩，炸得比較過火，加上連埋方包皮炸，方包皮部分食落好韌、比較難咬，但連埋雪糕食，有冰火交融嘅效果，配料有忌廉、藍莓。是日蛋糕（單點$32），藍莓芝士蛋糕，蛋糕口感綿密，芝士味道濃郁，藍莓果醬味道酸甜，但略嫌份量偏少，所以主要都係食芝士蛋糕嘅味道。榛子拿鐵（單點$46），榛子味道香甜，甜度適中，咖啡味道濃香，拉花造型好有心思，同杯嘅主題吻合，都係大鳥。