石磨坊 (已結業)

師傅食得唔係好飽情況底下, 繼續四出搵野食, 搵下搵下終於搵到呢間食店, 師傅覺得食個甜品都好, 於是乎決定入去!一坐底個伙計即刻放底個餐牌, 效率相當之高, 睇左一陣師傅要左個椰香芒果刨冰, 要友人要左個杏仁糊湯丸!甜品好快就到, 師傅一見到個椰香芒果刨冰就覺得好開心喇, 一條高高冰柱, 而周圍鋪滿了芒果, 底下還有少少涼粉, 賣相一流, 不過食落口發覺唔係咁特別, 最主要係糖水太甜, 感覺就好似淨飲糖水, 不過刨冰就依舊好冰凍清涼, 芒果就好甜都幾好味, 但係食左一半已經覺得好凍喇; 杏仁糊湯丸師傅就冇食到, 不過見到個賣相都幾好, 加上見友人食得津津有味, 應該唔差!總括黎講師傅食物就普普通通, 唔係咩咁特別同咁出色, 加上價錢又唔係平, 廿六蚊個刨冰都算貴喇, 不過個刨冰柱個賣相都幾吸引, 值得加分! 下次或者可以再黎試下佢其他食物啦!