首首.韓式小館 (已結業)

灣仔利東街係一條幾特別的街，我間唔中都會去行下，有特別既裝飾又有特色既餐廳，今次介紹既Bristol Seoul 就係其中一間。 又名首首韓式小館，以bistro 自稱既佢又的確幾有氣氛，柔和既燈光，簡潔既裝潢，身處其中令人有一種輕鬆自在既感覺。食物方面非常值得推薦既有「大邱香辣蒜粒炆牛肋骨」，餐牌話有三級辣度，但唔食得辣既朋友都覺得完全可以接受。甜甜辣辣的醬汁極之開胃，而牛肋骨完全感覺到係經過長時間的炆煮，就連筋既部位都非常淋，一咬就咬得開，本人十分欣賞。烤醬油豬柳沙津，豬柳係用鐵板上，能夠很好地保持溫度，配以烤醬再搭上新鮮蔬菜，實乃韓式烤肉既經典食法，Bistro Seoul 既版本係有不用種類的蔬菜，令人食起上來多了幾種變化，值得一讚。