Emporio Antico (已結業)

又來到灣仔搵嘢食，朋友鍾意飲酒。要搵一間有free flow 洒，又要好食。其實好難但今日又搵到所以好開心。lunch得1個餐牌，但可以自己自由選擇main course. 首先係一個魚子醬，侍應或魚子醬10分稀有，所以要配酒食一流。然後就有appetiser 拼盤，最鍾意火腿同埋個帶子。帶子上面有啲酸嘅汁，好開胃。環境一流，三五成群傾計十分好。然後有黑松露配溫泉蛋，黑松露係即新鮮磨俾你的，份量亦好多，唔會孤寒。main course 揀咗牛肉，牛肉質素非常好，旁邊有mash potato, 好香牛油味。最後甜品有朱古力opera蛋糕同埋海鹽雪糕,好清新。