小城鎮 (已結業)

對上次我嚟呢度就係食佢嘅下午茶餐，記得係兩杯啤酒仲有幾件雞翼，坐低慢慢傾，欣賞下呢度嘅裝修感覺都幾舒服。今次特登黎試吓佢呢一度嘅晚餐如何，今日係同小朋友嚟嘅，佢就指定一定要食牛扒，幫佢帶咗個七成熟嘅10安士的安格斯牛扒，佢竟然可以自己一個人食晒成份牛扒仲要加埋啲薯條。牛扒嘅份量絕對唔細，略為薄身，7成熟剛好，唔會太韌，又唔會太紅，無血水，岩哂小朋友食。而且佢唔會太肥，只係旁邊咪有少少嘅脂肪，所以食得多都唔會有溜嘅感覺。而我個人就食咗呢一個黑松露雜菌扁意粉，我見佢扁意粉，本身就想問下會唔會有普通嘅意粉，因為我個人唔係好鍾意食扁嘅意粉。但係估唔到食落去呢種扁意粉個口感係非常之煙韌，而且佢非常之掛汁，忌廉同埋芝士汁完全掛上意粉，一啖一美味。