影片
更多
2022-09-06
85 瀏覽
呢次叫咗半唐番到會，佢哋有個六人餐好豐富。入面有沙律、小食拼盤、兩個主菜、一份主食同埋甜品。煙鴨胸水蜜桃沙律 (1.5lb)：煙鴨胸份量都幾多，水蜜桃沙律好清新，夠哂開胃，表面鋪滿芝士，咸香非常。小食併盤: 拼盤入面有芝味十足嘅芝味魚腐金磚、香脆度爆燈嘅日式卜卜脆炸雞 、好好味嘅雞肉洋蔥圈 ,、惹味非常嘅沙話Dee卡雜菜春卷 ，全部都即炸先包裝，就算嚟到都仲係熱同脆。德國啖啖肉腸配意式肉丸拼盤 (2-3磅)：德國嘅肉腸有四款不同嘅腸，分別係紐倫堡腸、咖喱香腸、法蘭克福腸、條條都係啖啖肉，有濃香嘅肉味，口感各有不同，而配埋嘅意式肉丸，有滿滿嘅肉汁，同埋啲醬汁酸酸甜甜，好醒胃。呢兩樣拼埋一齊，簡直係食肉獸嘅最愛之選。荔枝咕嚕雞球 (1.5磅)：酸酸甜甜嘅咕嚕雞球，加埋荔枝一齊煮，多咗一份荔枝嘅清甜，而雞球啖啖肉，外脆內嫩，食得夠哂過癮。經典重現白汁雞皇飯 (1.5磅)：呢個雞皇飯用料十足，入面有各種嘅蔬菜、雞肉等一齊焗，焗完之後雞肉仍然嫩滑，白汁夠哂Creamy，而蔬菜為個飯多添一份清爽口感，令整體味道口感都變得豐富。一口紐約芝士蛋糕 (6 件)：紐約芝士蛋糕細細件，一口一件啱啱好，甜味適
呢次叫咗半唐番到會，佢哋有個六人餐好豐富。入面有沙律、小食拼盤、兩個主菜、一份主食同埋甜品。
煙鴨胸水蜜桃沙律 (1.5lb)：煙鴨胸份量都幾多，水蜜桃沙律好清新，夠哂開胃，表面鋪滿芝士，咸香非常。
小食併盤: 拼盤入面有芝味十足嘅芝味魚腐金磚、香脆度爆燈嘅日式卜卜脆炸雞 、好好味嘅雞肉洋蔥圈 ,、惹味非常嘅沙話Dee卡雜菜春卷 ，全部都即炸先包裝，就算嚟到都仲係熱同脆。
德國啖啖肉腸配意式肉丸拼盤 (2-3磅)：德國嘅肉腸有四款不同嘅腸，分別係紐倫堡腸、咖喱香腸、法蘭克福腸、條條都係啖啖肉，有濃香嘅肉味，口感各有不同，而配埋嘅意式肉丸，有滿滿嘅肉汁，同埋啲醬汁酸酸甜甜，好醒胃。呢兩樣拼埋一齊，簡直係食肉獸嘅最愛之選。
荔枝咕嚕雞球 (1.5磅)：酸酸甜甜嘅咕嚕雞球，加埋荔枝一齊煮，多咗一份荔枝嘅清甜，而雞球啖啖肉，外脆內嫩，食得夠哂過癮。
經典重現白汁雞皇飯 (1.5磅)：呢個雞皇飯用料十足，入面有各種嘅蔬菜、雞肉等一齊焗，焗完之後雞肉仍然嫩滑，白汁夠哂Creamy，而蔬菜為個飯多添一份清爽口感，令整體味道口感都變得豐富。
一口紐約芝士蛋糕 (6 件)：紐約芝士蛋糕細細件，一口一件啱啱好，甜味適中，蛋糕口感軟滑，令呢餐到會有一個完美嘅句號。
張貼
