PNE Food

營業中

休息中

就黎聖誕節，又要諗下開party食咩好。而家人大咗個個都一家大細扶老攜幼咁，最舒服梗係叫到會上門食。呢間啲到會嘢食中西日韓意泰法德都有，冇誇張真係大人細路都食到笑呵呵。睇下我哋個次聚餐食咗咩，參考下。荔枝蟹肉撻配飛魚籽 ：呢個正，一盤9件，海鮮加荔枝好醒目，又甜又鮮，個酥皮盒都夠脆。七彩韓牛拌飯：排得好靚仔，我地開吃個陣就一齊撈起！牛肉份量多，又玩得又食得飽。香辣京蔥爆炒鹽燒牛舌：惹味之選，牛舌切到小立方好可愛，欣賞佢唔會太韌。黑松露炒蘆筍、鮮百合、翠玉瓜；西班牙火腿凱撒沙律：一定要食菜，生熟各一盤，瓜菜爽口新鮮，仼君選擇。泰式酸辣無骨鳳爪：冇骨啱晒老人家，酸酸辣辣好開胃。銅鑼灣避風塘炒風沙骨：重口味人士我都有照顧，到會都炒到有餐廳質素，好唔簡單，送到上門啲肉邊仲保持脆口，好味。