港仔雲吞 (已結業)

樓下開左間新餐廳，次次行過都想食下，不過因為呢頭有好多選擇，所以一路等到依家先食。呢度主打魚湯底粉麵，同埋招牌雲吞，咁就叫左兩個雲吞米線，上菜都算幾快，服務都OKAY。個湯比想像中淡，魚味唔濃，都唔似平時見到個種魚湯咁奶白色，個人覺得麻麻地，同路邊20蚊一碗個種差不多。雲吞好細粒，入面有細隻蝦仔，豬肉似係肉碎，唔覺得有咩口感，但食得出係自家製，好唔好食就見仁見智啦。值得一讚係兩條菜心好食，入口甜甜地。