影片
更多
2008-06-14
736 瀏覽
有咩野好過一班好友, 三五知己坐埋一齊睇波飲嘢, 撞啱歐洲國家杯舉行期間, 師傅亦唔執輸昨晚相約一班好友, 一齊欣賞死亡之組!波未開, 先醫肚, 如果唔係點同自己嘅球隊打氣; 靚正好友"正哥"就負責發板幾個小食, 有正哥嘅至愛芝士焗西蘭花拼青口, 鐵板金菇肥牛卷, 小食拼盆同埋炒椰菜!邊傾邊玩邊等, 不知不覺都唔知等左幾耐, 率先登場嘅係鐵板金菇肥牛卷, 當初喺餐牌睇到呢個小食, 師傅曾經質疑呢個小食會唔會用鐵板上; 當個小食到時果然係用鐵板上, 師傅頓時覺得佢地制作認真, 再見佢地喺客人面前淋d黑椒汁, 感覺係即刻變左全場焦點; 趁熱辣辣即刻試下金菇肥牛卷先, 師傅覺得牛肉就冇咩味, 好明顯係冇調味, 韌左少少, 但金菇就好爽口, 冇韌嘅感覺, 連埋黑椒汁一齊食都幾正!芝士焗西蘭花拼青口嘅西蘭花都幾爽口, 但一d都唔硬, 而青口嘅肉質幾爽口, 加上幾鮮甜, 喺酒吧黎講算幾出色, 甚至好過一d餐廳添, 加上芝士夠多夠香, 好正! 小食拼盆有日式螺肉, 炸蝦丸, 鹵水鴨腎同埋炸豆腐, 日式螺肉冇咩特別, 一如其他日式食店, 可以; 炸蝦丸炸得幾香, 唔算多油, 不過未算出色; 鹵水鴨腎就
波未開, 先醫肚, 如果唔係點同自己嘅球隊打氣; 靚正好友"正哥"就負責發板幾個小食, 有正哥嘅至愛芝士焗西蘭花拼青口, 鐵板金菇肥牛卷, 小食拼盆同埋炒椰菜!
邊傾邊玩邊等, 不知不覺都唔知等左幾耐, 率先登場嘅係鐵板金菇肥牛卷, 當初喺餐牌睇到呢個小食, 師傅曾經質疑呢個小食會唔會用鐵板上; 當個小食到時果然係用鐵板上, 師傅頓時覺得佢地制作認真, 再見佢地喺客人面前淋d黑椒汁, 感覺係即刻變左全場焦點; 趁熱辣辣即刻試下金菇肥牛卷先, 師傅覺得牛肉就冇咩味, 好明顯係冇調味, 韌左少少, 但金菇就好爽口, 冇韌嘅感覺, 連埋黑椒汁一齊食都幾正!
芝士焗西蘭花拼青口嘅西蘭花都幾爽口, 但一d都唔硬, 而青口嘅肉質幾爽口, 加上幾鮮甜, 喺酒吧黎講算幾出色, 甚至好過一d餐廳添, 加上芝士夠多夠香, 好正!
小食拼盆有日式螺肉, 炸蝦丸, 鹵水鴨腎同埋炸豆腐, 日式螺肉冇咩特別, 一如其他日式食店, 可以; 炸蝦丸炸得幾香, 唔算多油, 不過未算出色; 鹵水鴨腎就好爽口, 而調味亦都洽到好處, 唔會過咸, 得噃; 炸豆腐又係炸得好脆, 不過裡面又唔會炸到乾晒, 唔錯! 而炒椰菜師傅就冇試到, 所以唔知係點喇, 不過見食剩, 唔知係大家太飽定係唔得呢?
總括黎講呢度嘅食物質素喺酒吧黎講算係出色, 絕對食得過, 加上制作認真, 完全可取; 服務態度友善, 而價錢都唔算太貴, 平均大約三十幾蚊一個小食啦, 都算抵食; 黎呢到三五知己把酒談天又得, 睇波又得, 喪玩喪劈又得, 就算淨係黎食都掂, 師傅覺得一d都唔失禮! 下次一定會再黎, 食得咁開心, 玩得咁開心, 笑臉又點可以唔比呢?
後記: 特別鳴謝燈光師"食神"同攝影師"食神嫂", 如果冇你地, 又邊有相睇!
張貼
