影片
更多
2020-09-05
2709 瀏覽
序: 平時對食物,環境冇要求既人 今次竟然會寫食評?話說想同朋友食翻次omakase 咁就打開openrice 搵間高分既餐廳黎試試 9月3 下就就打去book位19:30，第1次侍應問我地想坐鐵板位定壽司位，咁當下我唔firm坐邊邊位，當下就是但答左2個位，但為左免誤會，即時再打一次去講要食omakase。到9月4 1930 我朋友到左先，操內地口音既女店員(A女)就問我朋友要坐鐵板定壽司位，就答omakase，然而對方話鐵板/壽司都有omakase。當我到達果陣A男同樣問我地想坐鐵板/壽司位, 我地猶疑左一下，心諗未食過鐵板omakase ，就試下啦，想提醒廚師朋友唔食鵝肝，點知A女俾menu我地叫我地叫套餐，一輪痛苦溝通，先知個店員根本亂答我地，鐵板燒係無omakase，最後坐番壽司個邊，但已經full咁濟，多謝店員，扔左我地坐bar台冷位對住堆酒樽。說好的對住師傅呢...?千幾蚊位仲要係廚房隔離無冷氣吹既位。算！冇曬位都冇辦法啦！坐低後A男都好熱心同我地講 因為人多所以食物會出得比較慢. 咁我都覺得冇問題, 食得omakase 就要花時間。係我認知下食omakase 師傅都會同
話說想同朋友食翻次omakase 咁就打開openrice 搵間高分既餐廳黎試試
9月3 下就就打去book位19:30，第1次侍應問我地想坐鐵板位定壽司位，咁當下我唔firm坐邊邊位，當下就是但答左2個位，但為左免誤會，即時再打一次去講要食omakase。
到9月4 1930 我朋友到左先，操內地口音既女店員(A女)就問我朋友要坐鐵板定壽司位，就答omakase，然而對方話鐵板/壽司都有omakase。
當我到達果陣A男同樣問我地想坐鐵板/壽司位, 我地猶疑左一下，心諗未食過鐵板omakase ，就試下啦，想提醒廚師朋友唔食鵝肝，點知A女俾menu我地叫我地叫套餐，一輪痛苦溝通，先知個店員根本亂答我地，鐵板燒係無omakase，最後坐番壽司個邊，但已經full咁濟，多謝店員，扔左我地坐bar台冷位對住堆酒樽。
說好的對住師傅呢...?千幾蚊位仲要係廚房隔離無冷氣吹既位。算！冇曬位都冇辦法啦！坐低後A男都好熱心同我地講 因為人多所以食物會出得比較慢. 咁我都覺得冇問題, 食得omakase 就要花時間。
係我認知下食omakase 師傅都會同你吹幾句介紹下食物, 我地對住個「酒庫」都預左冇，除左一開頭問我地唔食D乜, 咁唔緊要啦, 食物好食就得。過程中仲嗌左枝柚子酒 乾乾佢。飲飲下見到隻碟上有擺張紙巾, 紙巾上有濕紙巾, 而最上面有隻蚊定蟲好可憐咁死左係上面, 咁我唯有叫A男幫我換一換, 而佢換完之後 仲加左句新架唔係掃走佢, 但我一睇, 換係換左, 但"好似"只係換左上面張濕紙巾. 如果我冤枉左佢 咁就要講聲唔好意思。
開頭D蕃茄仔, 龍蝦刺身, 煎魚都唔錯, 由於唔係師傅對住我地，就靠A男上餐同介紹，咁A男都做得唔錯。
去到食壽司果陣，對住師傅位既客係整完一件就上一件保持佢既新鮮掛?
但我地就每3件上一次... 係佢地角度諗, 唔想咁麻煩1件上1次掛? I have no comment.
但係到上我地既壽司果陣，香港女侍應(B女)送到上黎果陣，介紹完第1件之後就細細聲講: 呀..唔記得左TIM... 之後就走左。當堂躁左！
我食譚仔, 呀姐都會話我知食緊 勿演懶肉生屎辣, 而且我食緊既係omakase 更加唔知唔知自己食緊乜....
咁我細個做parttime果陣都怕俾客為難, 咁我當下就同佢講唔緊要啦... 我係估唔到食omakase唔知餐牌之餘 連自己放緊咩入肚都唔會知...
到第2轉壽司 A男上果陣我問佢咩黎佢都有答我 果D係由邊度邊到黎既魚蝦蟹咁, 到第3轉，我地無問佢就放低就算..
究竟點解我有D咁既用餐體驗, 食物除左日本瀨尿蝦我覺得鞋口以外其他都OK, 最後有個日本哈蜜瓜 都好好食好甜。
我地食既位近廚房又熱, 對住一堆酒, 唔知食緊乜, 連我想食既野都要搞十分鐘先解決到, 最後一個對住師傅既位都冇埋, 事後朋友仲同我講個侍應話book台本簿冇寫我地係食omakase, 我第2次打去果陣同佢講番我要食omakase佢仲認得我係岩岩book台果個.
人頭2k 有d咁既體驗 夠我地兩個去食三次自助山 睇風景好過對住枝超吟 廚房既熱氣 食緊d唔知乜.
重申一次 食物係ok
張貼
