滿江紅 (已結業)

我同朋友十分喜歡吃麻辣，喺尖沙咀試過不同的四川餐廳，始終都係滿江紅最正宗，最好味。今晚得兩個人食，叫的餸不多，所以我們只點了水煮牛肉，麻辣涼粉同嗆炒高荀。水煮牛份量幾大，d牛肉係手切肥牛，牛肉味好香又淋。水煮牛入面有青瓜、筍、大豆芽，我點了中辣，非常好味！夠晒刺激！嗆炒高筍夠鑊氣，少少麻辣，好正。另外，麻辣涼粉係涼拌，辣度啱啱好。整體來講滿江紅真係有質素。食咗幾年都仲保持到水準。出面好難搵到有咁好質素嘅四川餐廳！