湘聚小廚

營業中

休息中

成三年冇得返大陸食嘢，今晚為咗止癮，約咗個大同喺以前大學附近嘅一間湘菜餐廳食飯，一入到去大部分都係內地同胞，睇嚟餐廳喺佢哋之間都應該幾出名，相信味道亦唔會令我失望！呢排做嘢辛苦，坐低即刻嗌碗湯補補先。蟲草花燉雞湯：冇味精，足料，唔油膩，暖心暖胃。之後黎一個清炒萵筍絲同皇朝粉絲煲。邊個話食湘菜一定要重口味？重口味嘅同時，配返一啲清淡嘅蔬菜平衡返個味蕾。粉絲煲分量好多，粉絲軟硬適中，而且好入味，送飯一流。最後就係鐵板孜然牛肉，望到張相都知道色香味俱全，牛肉嫩口。最後值得一題嘅就係前菜，涼拌海帶個味道非常出色，不過對於唔係好食得辣嘅我，就有少少太辣。但今餐確實係可以止到食正宗內地菜既癮！