為食龍 (已結業)

嚟到中環參觀完大館，想喺附近食埋Lunch先走，記得朋友講過有間日式餐廳以恐龍做主題，於是就去試下佢。餐廳有兩層，樓底好高好開揚，座位坐得舒服，裡面滿佈好多恐龍既裝飾，如果帶埋小朋友嚟一定好開心。三文魚油甘魚温泉蛋刺身丼有海帶及魚餅做前菜，份量都唔少，三文魚及油甘魚都係切得好厚，鮮甜味美，解凍處理得好好，加上刺身飯調味適中，配埋隻流心既溫泉蛋送飯一流，最後仲會跟埋杯凍既麥茶比你消滯。牛油蜆肉湯烏冬伴芝麻雞翼牛油蜆肉湯非常出色，唔油膩唔肥，蜆肉份量好多，肉厚冇沙，食到最後連湯都飲埋，芝麻雞翼炸得香脆，分開上唔會比湯浸淋，非常貼心。迷你蟹肉忌廉薯餅除左叫左兩個Lunch Set，套餐可以加錢要一份薯餅，剛炸起熱辣辣，忌廉軟滑，加上蛋黃醬真係食唔停口。