享丼丼 (已結業)

係旺角行行下街，見到呢間餐廳做定食+59蚊可以任食刺身，勁抵喎，即刻入去試下啦。餐廳地方唔算大，但環境舒適，台與台之間唔會太逼，空間感十足。食物種類非常多，原來除左刺身任食，連飲品都係任飲架。估唔到連麵豉湯都有得飲，正！海膽帶子蟹子魷魚丼一上台已經嘩左聲，係成板海膽架，海膽好鮮甜，絕對係新鮮貨，一啖海膽一啖刺身一啖飯，超滿足！鰻魚汁玉子豬扒飯定食豬扒即叫即炸，熱辣辣，厚切多汁，配合埋個鰻魚汁，會不自覺地食左勁多飯。任食刺身淨係蝦都有三款選擇，推介赤蝦，超大隻，超肥美。赤貝都好鮮甜，全部刺身都好新鮮，絕對唔係將貨就價。我地試左一轉之後，就主攻赤蝦甜蝦同赤貝。飲品叫左低糖綠茶同麵豉湯麵豉湯有驚喜，好好飲，唔係一般餐廳求其開水沖果d，有誠意。任飲任食埋單都係3佰幾，好抵食，鐘意食刺身既一定要試。