火山燒 (已結業)

今日約埋班朋友去住在銅鑼灣的表弟家睇波，未夠鐘開波先去醫肚，表弟帶我們去駱克道的火山燒食放題，佢話平時食串燒，每串計比較貴，尼度火山燒係食放題，有刺身、燒烤和火鍋，一個價錢任飲任食，相當抵，尤其是我們人多，個個胃口不同，最適合食放題，那我們就立刻入座，食餐飽再去睇波。火山燒位於樓上舖，估地2層，每檯有抽氣設備，也有三款不同口味的燒烤醬汁！刺身有三文魚、帆立貝、甘海老、墨魚片、八爪魚、北寄貝、榮螺片等，材料都好新鮮，鮮味十足！三文魚厚切，魚油味香，帆立貝切得薄了一點，鮮味但冇口感。味付螺肉、白薑，小食首選。雛雞半隻（廚房代燒）：火喉燒得剛好，好香香草味，皮香雞肉嫩滑，專業廚師製作，的確勝人一籌！雞軟骨、手羽、雞腎、黑豚义燒、札幌蝦燒賣、豚肉棒棒餃，金菇肥牛、雞肉、圓蔥魚餅。多款燒烤食品都醃得好入味！燒生蠔大大隻好新鮮、粟米、牛舌，都燒得夠香。黑豚义燒和手羽夠入味，菠蘿好香甜！最後食返枝雪條做甜品。因為食完剌身同烤肉已飽了，火鍋留返下次先試，整體食物質素都不錯，唯一漏單情況有待改善！