真鮨 (已結業)

Moshi moshi (もしもし) 你好！想同大家分享呢間值回票價嘅日本菜。我同男朋友都好中意食日本菜，所以今日行完美麗華就即刻起附近搵左呢間日本料理餐廳醫肚！餐廳環境夠哂寬落，樓底高，光線充足，所以幾適合中意打卡嘅朋友仔。順帶一提，侍應服務態度好好，成日幫我地加水。1️⃣一開波一定係叫左刺身先！甜蝦、帆立貝、三文魚係我地的最愛，所有刺身都好新鮮，甜蝦同埋帆立貝除左鮮，仲甜！另外，厚切三文魚帶住魚油香一放入口就係滿滿的幸福感！其實食完個刺身，已經有四成飽，所以好抵食。2️⃣火炙壽司我地分別點左蟹膏帆立貝壽司、魚背邊壽司、墨魚壽司、燒鰻魚壽司。蟹膏嘅香濃配上帆立貝嘅鮮甜，絕！燒鰻魚個醬汁好甘甜，食完好想叫多件。3️⃣重頭戲來了！就係呢客海膽和風軍艦！睇圖就知道佢有幾多海膽鋪面，d魚子多到傾瀉哂出黎。海膽好似芒果咁甜，魚子香滑4️⃣老闆娘仲介紹左個時令秋刀魚比我地食。秋刀魚燒得皮脆肉嫩，配上少少檸檬汁食，好滋味。5️⃣芥末日式炸雞6️⃣事關岩岩個蟹膏帆立貝嘅蟹膏太正，我地最後叫多個蟹膏蟹肉玉子燒！畫上完美句號。