上戶酒場 (已結業)

今日同朋友聚會，黎左呢間好日式風味既小店，成個環境氣氛都好舒服，Lunch都幾多set可以揀，有埋前菜沙津，味噌湯同嘢飲，我就嗌左個上户刺身盛配迷你烏冬，有油甘魚，三文魚，帶子同赤蝦，正！一上枱，朋友見到都話正，刺身全部厚切兼且大大件，刺身處理得好好，食落真係好新鮮，油甘魚同三文魚厚切大大件食落特別滿足，帶子同赤蝦都好鮮甜，完全吾會有任何雪味，不知不覺就食晒，真係重想食多盤，刺身set重配埋個烏冬，雖說係個迷你烏冬，但其實個份量一d都吾少既，食埋真係好夠飽肚，烏冬應該係讚岐手打烏冬黎，面質食落有口感兼且有彈性，好好食，而個味噌湯初初以為係平平無奇，原來入面都幾多料，有幾隻大蜆同蝦，大蜆無沙兼飽滿，加入海鮮既味噌湯味道鮮甜，好好飲！舖頭好好，仲送左餃子比我地試下，餃子炸到好脆身，好食，仲推介我地可以試下串燒，原來串燒有好多款，好多選擇，睇到我地都心思思，花多眼亂咁，所以嗌左好多，每樣都試下，有d真係未試過，第一次食，好似鰻魚肝咁，原來味道好似食梗蠔豉咁，好特別！不得不推介係牛舌，真係好厚切好有口感好好食！吾講完全吾知原來係牛舌黎，食落肉味好濃郁，爽口得嚟好有口感，而且完全無異味，好食！呢