北海道爐端燒 (已結業)

今日同老公慶祝拍拖周年紀念，特登請婆婆幫忙湊住兩隻小鬼，等我哋可以出去拍下拖，揀咗呢間北海道爐端燒，佢嘅裝修好有居酒屋嘅感覺。Menu都有勁多嘢揀，一見到個精選刺身拼盤（五款）（ $278 ）二話不說決定要食，有吞拿魚、三文魚、帶子、油金魚腩同埋深海池魚王，全部都好新鮮肥美，三文魚和油金魚的油脂分佈平均又靚，同埋本身成個SET都好吸睛！另外見佢都有唔少燒物可選，所以揀咗鹽燒大蝦一隻（ $58 ），同一個海膽魚籽蟹肉蟹膏燒（ $128 ）一上枱已經聞到好香，有好大舊海膽，啲魚籽晶瑩通透好靚，一咬就在口裡爆汁，另外仲有好多蟹肉，蟹味濃郁，成件事都好鮮甜美味！呢個製作需要，大家要預留時間。另外仲有香味醬油燒雪場蟹（ $198 ），保留到蟹肉的肉汁不會太乾！黎居酒屋總係覺得一定要食串燒，不過幾十蚊一串都唔平，所以淨係揀咗帆立貝串（ $36 ），中規中矩。老公就揀咗鹽燒魷魚鬚（ $58 ），醬汁味滲入哂D魷魚鬚到，而且一點也不韌，如果佐酒真係一流！稻草烤塩鰹刺新（ $98 ），叫既時候其實都唔知係乜，不過即管試下啦！但反而都幾驚喜！我以為係細細碟，點知咁大碟，而且好精緻，終於明白點解係「稻草烤」