影片
更多
2020-06-01
2090 瀏覽
仲係限聚令下，諗住應該唔會太多人啦，點知見到好多人係度等位，咁就唯有照等啦。我地7點15分黎到，大約都有十幾廿個人等緊，因為第一次黎，以為入面好細而且限聚令要分隔檯嘅位置所以多人排，我覺得好合理呀～咁我地等左45分鐘左右，即8點就入得，一叫就叫左好多個no.入?! 點知入到去，原來地方咁大，仲要好多吉檯，檯同檯之間得塊大紙板隔住，冇話分開一至兩張檯咁坐。所以我只係諗到佢想營造好多人排，羊群心理嘅情況下，所以要d人排一大輪先可以入座。睇返menu，係好多野食，但價錢唔平，如果散叫的話可以話貴黎形容。咁我就叫左一客雜錦刺身定食同燒鵝肝牛小排釜飯。雜錦刺身定食$208我老公食嘅，就咁睇正正常常，就食落刺身真係麻麻，塊油甘魚刺身好腥，又好重雪味，明顯係解凍不足。我就叫左燒鵝肝牛小排釜飯$148大約計時一分鐘就可以打開蓋食，如果想熟d可以再焗耐d張圖顯示塊牛小排係好大塊，真實係手指兩節左右啦。牛小排的確係唔錯，自己可以調節生熟程度。但蘑菇略嫌冇香味。可以當茶漬飯咁食，我就係鐘意咁樣食～但茶味一般，唔夠香濃。最後，又有一個問題，叫定食餐係會Free一杯drink或雪糕，但侍應落單個時冇提及任何野，
我地7點15分黎到，大約都有十幾廿個人等緊，因為第一次黎，以為入面好細而且限聚令要分隔檯嘅位置所以多人排，我覺得好合理呀～
咁我地等左45分鐘左右，即8點就入得，一叫就叫左好多個no.入?! 點知入到去，原來地方咁大，仲要好多吉檯，檯同檯之間得塊大紙板隔住，冇話分開一至兩張檯咁坐。所以我只係諗到佢想營造好多人排，羊群心理嘅情況下，所以要d人排一大輪先可以入座。
睇返menu，係好多野食，但價錢唔平，如果散叫的話可以話貴黎形容。咁我就叫左一客雜錦刺身定食同燒鵝肝牛小排釜飯。
雜錦刺身定食$208
我老公食嘅，就咁睇正正常常，就食落刺身真係麻麻，塊油甘魚刺身好腥，又好重雪味，明顯係解凍不足。
我就叫左燒鵝肝牛小排釜飯$148
大約計時一分鐘就可以打開蓋食，如果想熟d可以再焗耐d
張圖顯示塊牛小排係好大塊，真實係手指兩節左右啦。
牛小排的確係唔錯，自己可以調節生熟程度。
但蘑菇略嫌冇香味。
可以當茶漬飯咁食，我就係鐘意咁樣食～
但茶味一般，唔夠香濃。
最後，又有一個問題，叫定食餐係會Free一杯drink或雪糕，但侍應落單個時冇提及任何野，我係見到隔離檯又係叫定食有野飲嘅。咁唔飲都冇問題，當我地食完個時侍應又冇提過有雪糕，係我地睇返之前OP嘅留言先知道有得食，而且佢地都好似唔情願咁俾杯雪糕。
今餐食左$391，但唔太值，而且聽到隔離檯話個優惠生蠔海膽Set好細隻，海膽又唔鮮，紫菜又太林（點解我聽到咁清楚，咪因為依間餐廳冇因為限聚令分隔D檯嘅距離，而且又坐得好迫，所以聽到一清二楚）。
張貼
