影片
更多
2017-11-01
123 瀏覽
呢間放題既選擇有成過百款，今次固之然未能一一試盡，就攞我試過，覺得比較啜核既一部份嚟同大家分享一下。刺身既選擇好大堆頭，一共有成十幾款，係咁咦揀幾款一人一舊，都已經有一大盤；三文魚刺身肥大肉厚，望望餐牌寫住嚟自挪威，食得份外放心；甘海老刺身十分鮮甜，係食得出既蝦味；泰式虎蝦刺身就爽口彈牙，個泰式醬汁十分正宗，酸酸辣辣非常開胃；鮑魚刺身就充滿咬口，細佬猛話好食。蘆薈鮮柚沙律，呢度有放題少見既蘆薈鮮柚沙律，食蘆薈可以延緩衰老，強化胃功能，增強體質，提高肝功能，抑制癌細胞增生，防治風濕病及關節炎等功能，加埋鮮柚既清甜又生津，絕對好味又有益。香芒花之卷，花之戀就食得多，有舊芒果喺上面咁有創意就真係未試過，花之戀本身因為有少少沙律醬既關係，一般都比較juicy，如今呢個仲有埋芒果既甜juice，仲要係揀手靚芒果，一啲都唔覺得酸，令到整個口感都有所提昇；另外發現原來芒果同三文魚都做到朋友故喎，佢地夾埋一齊都幾好味。露荀豚肉串，露荀十分幼嫩，喺燒香既豚肉包圍之下味道更香，半肥瘦既豚肉喺呢一串串燒嚟講尤為重要，令一整串串燒都生色不少。牛油煎珍寶帶子，廚師將帶子嘅熟度掌握得恰到好處，真正煎得外脆內軟，裏
呢間放題既選擇有成過百款，今次固之然未能一一試盡，就攞我試過，覺得比較啜核既一部份嚟同大家分享一下。
刺身既選擇好大堆頭，一共有成十幾款，係咁咦揀幾款一人一舊，都已經有一大盤；三文魚刺身肥大肉厚，望望餐牌寫住嚟自挪威，食得份外放心；甘海老刺身十分鮮甜，係食得出既蝦味；泰式虎蝦刺身就爽口彈牙，個泰式醬汁十分正宗，酸酸辣辣非常開胃；鮑魚刺身就充滿咬口，細佬猛話好食。
蘆薈鮮柚沙律，呢度有放題少見既蘆薈鮮柚沙律，食蘆薈可以延緩衰老，強化胃功能，增強體質，提高肝功能，抑制癌細胞增生，防治風濕病及關節炎等功能，加埋鮮柚既清甜又生津，絕對好味又有益。
香芒花之卷，花之戀就食得多，有舊芒果喺上面咁有創意就真係未試過，花之戀本身因為有少少沙律醬既關係，一般都比較juicy，如今呢個仲有埋芒果既甜juice，仲要係揀手靚芒果，一啲都唔覺得酸，令到整個口感都有所提昇；另外發現原來芒果同三文魚都做到朋友故喎，佢地夾埋一齊都幾好味。
露荀豚肉串，露荀十分幼嫩，喺燒香既豚肉包圍之下味道更香，半肥瘦既豚肉喺呢一串串燒嚟講尤為重要，令一整串串燒都生色不少。
牛油煎珍寶帶子，廚師將帶子嘅熟度掌握得恰到好處，真正煎得外脆內軟，裏面嘅帶子肉仲相當彈牙，配合淡淡嘅牛油味同埋面頭少少嘅七味粉，唔錯。
香草羊鞍，羊鞍嚟到既時候仲滋滋作響，一啖入口羊味爆發，豐富既油脂令口感更加豐腴，加上面頭恰到好處既露絲瑪莉，風味一絕。
益力多，估唔到呢度仲有我嘅至愛益力多飲，放題嚟講都可以話係第一次見。
牛乳奶凍，牛乳奶凍有住淡淡既奶味，口感十分滑溜，的的骰骰，食到好飽都仲可以啪多個。
張貼
