八海山

營業中

休息中

之前朋友帶過我黎呢度食過一次，我覺得佢既野食全部都好好味喎！今次本身BOOK左第二間食，但行到累，見呢間就0係我地對面，就腳所以入去食。哇！真係唔好彩，咁0岩壞冷氣，好難想像自己滴住汗黎食野，但其間侍應全部都好友善，會解釋咁鬼熱既原因，我地都接受啦！咁都冇計啦！等出菜真係一個難題，如果好肚餓既話，建議唔好食呢間，因為我地叫左油甘魚刺身，係佢當日推介，仲有叫左一口豬扒，奶油薯餅，帶子，枝豆，一塊唔記得左乜野魚，最後再叫左一條彷彿魚刺身。我地起碼等左大半個鐘先一次過黎幾樣野食。可能佢唔係得閒黎一碟，得閒黎一碟，搞到我地等左好耐咁。但D野又真係好味喎。一口豬扒我個人嫌肉太實，但老公話唔覺。奶油薯餅我覺得好好味喎..有一些位食到好CREAMY既感覺，好味道。枝豆好熱呼呼的，都好爽身，唔會淋既，好正好味。刺身真係神乎其技，成條魚切完之後好似0係番度咁！仲好似好生猛咁呀！呢個刺身加埋薑同葱碎伴黎食，好好味。老公唔食生野，但佢又心思思想試，點佑試過候油金魚之後竟然食過蕃層味！佢又叫多碟魚，但發現其實都幾腥呢！佢仲送雪糕俾我地，好適TUM人。