影片
更多
2010-08-09
3 瀏覽
今次係母親節之後再一次encore和男朋友來這裡吃的！剛出糧滿懷希望食餐好的，但換來是不太愉快的經歷。 我訂了下午六點，在店員打電話confirm我時，佢好清楚講明係訂位時間起計食兩小時，咁我哋就準時到啦！點知我5點58入到去間餐廳，當時係烏燈黑火，我等了很久才有個男侍應行過來話：「乜你哋咁準時嘅！」( 吓？！真係o晒嘴！) 當時員工的飯餸都未執呀！ 講番正題，當日我哋係第一枱入座，亦好肯定係第一個入刺身單，但我等咗好耐，見身邊4枱客都已經有好靚嘅刺身食 ( 全場得我哋5枱咋喎！)，而我哋都未有刺身嘅？我就懷疑漏單啦！我男朋友就再寫過一張刺身單交俾男侍應啦！ 我張枱對住個刺身吧，當時得嗰5枱客，個場好靜，我好清楚聽到個刺身師父 ( 年紀大d嗰位 ) 見到我哋張枱再入多張單時，佢好唔高興同好大聲咁咋形問個男侍應點解我哋又入單？點解咁等唔切？我心諗：你咁唔想做不如直接行過來咋我形囉！關個男侍應乜事啫？而且你哋serve d客唔係first come first serve架咩？
我訂了下午六點，在店員打電話confirm我時，佢好清楚講明係訂位時間起計食兩小時，咁我哋就準時到啦！點知我5點58入到去間餐廳，當時係烏燈黑火，我等了很久才有個男侍應行過來話：「乜你哋咁準時嘅！」( 吓？！真係o晒嘴！) 當時員工的飯餸都未執呀！
講番正題，當日我哋係第一枱入座，亦好肯定係第一個入刺身單，但我等咗好耐，見身邊4枱客都已經有好靚嘅刺身食 ( 全場得我哋5枱咋喎！)，而我哋都未有刺身嘅？我就懷疑漏單啦！我男朋友就再寫過一張刺身單交俾男侍應啦！
我張枱對住個刺身吧，當時得嗰5枱客，個場好靜，我好清楚聽到個刺身師父 ( 年紀大d嗰位 ) 見到我哋張枱再入多張單時，佢好唔高興同好大聲咁咋形問個男侍應點解我哋又入單？點解咁等唔切？我心諗：你咁唔想做不如直接行過來咋我形囉！關個男侍應乜事啫？而且你哋serve d客唔係first come first serve架咩？點解我哋第一個入單會係最遲出菜嘅？跟住成晚，個刺身師父好似black list咗我哋張枱咁！叫親都細細碟！隔離枱的刺身排得靚靚，我哋嗰碟就是是但但！
講真嗰句，石澗d刺身喺同級價錢嘅日本放題來講係最正最新鮮嘅！款式又多！除咗三文魚正之外，連其他放題餐廳少見的帶子、劍魚腩、赤貝、半熟蝦都好新鮮，供應不絕！我真係好唔捨得放棄這間食店，不過大前題係要個刺身師父的待客態度好d囉！咋形都唔好俾個客聽到囉！我都係做服務性行業架！但其他侍應的態度就好好，仲不停加茶！
順帶一提，本人十分喜歡牛舌同牛肉粒！不過我覺得牛舌略淡味，如果加多點海鹽會好味d，而牛肉粒就有進步，比我第一次來吃好味！
石澗：加油啦！我下次訂位和一大班朋友來吃飯時，你要有改善架！
張貼