初鮨 (已結業)

上網見到呢間omakase評價好高，於是今日趁住放假，拉埋朋友過嚟一齊食，估唔到比我想像中嘅好超級多，有意外嘅驚喜，重點係價錢好親民，我哋過嚟食晏晝，都只係幾百蚊一個人，簡直係良心價😆✌🏻 強烈推介俾各位鍾意食日本嘢嘅朋友，依家冇得去旅行，仲可以解下鄉愁😛首先一嚟到，餐廳環境好乾淨企理，而且人氣都好高，想識嘅朋友仔記得早啲訂枱啦😛職員同埋師傅都好熱情，而且好細心，會同我哋介紹每一樣食材，仲間中問吓我哋意見，互動感十足😚加上呢度每一樣食材都睇得出師傅好用心處理，尤其是係刺身嘅解凍都做得好好，唔會有冰凍味，反而食得出好香嘅鮮甜味💓特別推介係依度嘅前菜，包括左千切大根、沙律、茶蒸碗🎊 大根由醃製過蘿蔔絲製成，酸酸甜甜好開胃另外刺身我最鍾意嘅就係左口魚壽司🍣必食推介！魚嘅肉質好鮮嫩，基本上可以做到入口即，而且承載住滿滿嘅油脂香味另外深海池魚、章紅魚、金木叼，都係魚王之王，必食推介😆👍🏻