初鮨 (已結業)

小妹明白飲食業面對艱難時刻🥲亦都唔係食過好多間廚師發辦但呢間omakase真係小妹食過當中數一數二既劣🫠首先上到去𨋢門打開已經係你坐既位😀姐係下一輪既人就會係你背脊後面等位同快餐店排隊等位差唔多😆然後小妹揀咗食「梅」$380個師傅就會不斷說服你去揀食一個貴啲嘅當然我都明白佢地想有一個好啲嘅營業額 完全理解但係第一次光顧 固然會想取一個保守態度🙂當中包括有前菜、茶碗蒸、刺身三款、壽司10貫、湯、甜品🍮枱面上提供嘅餐具 大部份都係仲係濕既包括茶碗蒸個匙羹 食野嘅碟 同埋筷子🥢好似係啱啱洗完就拎出嚟咁🤣仲滴緊水小妹唔知咁樣係咪正常omakase應有嘅情況🙈如果我怪錯佢請大家話我知🥺前菜沙律同茶碗蒸中規中矩跟住想講下壽司 每一件嘅飯都大小不一舍利之間壓得比較實 食落口感一般重點係份量非常之少 好似一隻女仔手指公大少少😅當然唔係同米芝蓮餐廳比較但質素好似小妹去連鎖店壽x郎可能滿足感仲大而且其中有兩三舊魚味非常之重🙈🙈小妹會形容為好腥‼️‼️其實價錢係十分相宜 餐廳景觀亦都好開揚但係好遺憾小妹無辦法再光顧 因為用餐體驗太差大家自行判斷🥲🥲

9月中尾係Open Rice book左位同另一半慶祝生日, 為左confirm Menu星期一至日都係同價同款, 當日仲打左去初鰭confirm當時聽電話既仲係一位好好禮貌既男仔staff, 佢回應我10月初會改menu, 如果收唔到whatsapp通知的話可以再打去提醒佢, 當時仲心諗, 呢間omakase既餐廳真係唔錯直到今日10月5日早上, 我開Openrice個APP先發現自己booking被餐廳取消, 而原因如圖中講, 餐廳結業終於等到12點打去查詢, 當時無人接聽過左5-10分鐘, 有位態度極度惡劣既男職員打返轉頭: xx集團, 你係咪打過黎我當時確認係初鮨後就表明自己booking被cancel惡男staff要求我提供有關booking日子後, 態度差+串到爆問我: 咁你想點? 要book番一樣日子定係照cancel?我終於忍唔住鬧爆佢: 其實貴餐廳唔想做生意都唔緊要, cancel booking都唔緊要, 而唔係呢種咁既態度, 我對上個幾星期打黎既另一位同事都唔係咁樣事後, 該餐廳以2個不同no.既手提打黎初鮨, 本來我對你地都有d期望, 覺得係電話confirm果

香港的樓上鋪鮨店，絕大部份位於中環、尖沙咀及銅鑼灣，同旺角更沾不上任何關係。今個週末忽然間好想食壽司，但偏偏又要去旺角；上去OpenRice搜尋一下，發現旺角竟然也有兩間！由於只有「初鮨」有熟食，可以滿足小公主的需要，一於試試。「初鮨」位於旺角彌敦道一楝面積狹小的商業大廈樓上，更估不到的是，這一棟大廈差不多全部各層都是食肆，可以形容為銀座式食廈 ⋯⋯ 之前以為只有銅鑼灣才有這種形式的飲食商廈，估唔到原來旺角也有一棟。商廈面積實在太過細小，電梯門一打開，就已經見到唯一一張壽司吧枱及10個座位。由於空間有限，只可以勉強用繩簾將用餐空間及電梯出口分隔；雖然有點奇怪，但亦算有點特色。儘管鮨店位於大廈高層，其中一邊又是大廈玻璃幕牆，卻偏偏無法眺望彌敦道開陽境緻；這也是因為餐廳面積細小，座位要求背向外牆。同銅鑼灣、尖沙咀及中環的樓上鋪鮨店比較，裝修顯得有點簡陋，缺少了鮨店的東瀛風情及高檔次氣氛。再加上地區因素關係，午市壽司套餐定價亦相對親民；午市廚師發板分櫻、梅及初，最貴的初只是 $680。對於胃納不太大的小編，梅（$380）作為午餐，已經相當豐富；包括三款刺身及10貫壽司。前菜漬蘿蔔很明顯是大批

🇯🇵初鮨 價錢黎講呢間絕對係平到一個點，可以呢個價錢食到都算係咁，不過食物質素黎講都係不過不失，冇乜特別但都唔會有驚喜😆個師傅亦都好好人比我哋試左佢哋嘅蟹膏，正常應該係晚市先有同朋友輕鬆小聚都不妨一試佢亦都好近油麻地地鐵站，步行大概3 4分鐘已經到達，咁為左因為師傅嘅刀功，我哋一般都會選擇bar枱，可以一邊食野一邊欣賞。整體速度我覺得岩岩好，唔會太快或太慢，食野嘅感覺都係比較舒適流暢。有朋友唔食生野，師傅都好細心每年做左火炙壽司🍣 更有朋友由唔食生野都可接受，食材新鮮👍🏻

朋友生日,見呢間OpenRice嘅評價都唔錯就諗住試吓佢嘅lunch omakase. 點知係大伏嚟嘅，叫咗三百幾蚊嗰個set，首先上嘅刺身係唔知咩魚同帶子，全部魚都好腥，質感亦好差 。 之後壽司基本上全部都一樣味同埋都係啲唔好食嘅魚，質感亦非常差，如果佢肯俾心機去調下味，我感覺都冇咁差，起碼唔會食得出條魚嘅差，啲魚唔知放咗幾耐，就算啲魚唔好食你肯燒一燒佢都唔會覺得咁難食。未食過咁難食嘅壽司， 係普通壽司店食都冇咁難食。呢個價錢食啲咁嘅質素嘅魚，完全接受唔到。不過佢個雪糕幾好食嘅，茶碗蒸同湯都可以接受，服務員都算有禮貌，但其他嘢就真係不了，好難食！建議大家就真係唔好信佢啲食評，真係好難食。

最平$280就食到一個set~普通食個lunch都可以🤣🤣我地去食嗰日全部食材都新鮮 但有一件炙燒竟然將舊飯燒得都幾燶 食落有𤓓味 雖然性價比真好高係好加分 但食到有𤓓味嗰下真係扣咗唔少分😂😂

今次揀咗lunch 來慶祝生日，午市有三個set選擇，價錢分別是$280，$380，$680。我哋三個人分別點左兩個$380同一個$680。先講刺身，$680果個set有6款，老實講啲魚就唔太鮮味，某幾款食落口甚至有少少擦膠感覺。$380set有3款，味道不過不失。之後壽司嘅質素後半係好味，前半都係麻麻。對比同區其他差不多價錢嘅lunch omakase（講緊係300幾蚊嗰set），最後都會有海膽壽司，但係呢度連$680果set都無，所以幾失望。值得一提既係服務態度良好，上菜速度都好快。除咗食材一般（特別係魚）之外，其他各方面都OK。

上一集就介紹咗初鮨嘅omakase 睇到佢嘅前菜同埋刺身今次就想同大家介紹一下佢嘅壽司同埋甜品。首先我覺得要讚一讚就係師傅非常之細心，佢會問我想唔想食Wasabi，小弟就其實唔鍾意食嘅，佢都即刻同我走咗佢❤第二樣嘢就係我同阿師傅講唔想點豉油，因為想食返魚肉嘅鮮味，師傅擔心會太單調，專登幫我調劑左鰻魚汁拌飯，非常之有心思。好啦，入返正題，介紹一下今次食咗啲乜嘢刺身先！池魚新鮮就不在話下啦，值得一讚就係肉好甜，肉好脆❤真鯛赤貝好爽口好有口感， 之後嘅魷魚都有相似嘅感覺，不過呢個優勝嘅地方就係有埋甜味❤眼仁奈好得意嘅名，我嗰陣時仲同師傅問咗三次呢個壽司叫咩名小肌要留意番條魚有少少骨 ，食嘅時候要份外小心！火炙做左口魚呢個真係勁好食好食好食好食好食好食（重要嘅嘢要講10次） 左口魚本身有少少肥膏，透過火炙嘅方式將呢啲肥膏昇華，放入口嘅時候有少少燙到嘴唇邊，但絲毫不減佢嘅魅力！吞拿魚蓉卷蔥花嘅香味難掩吞拿魚蓉嘅驚喜，紫菜包裹住嘅吞拿魚鮮味喺口腔裏面溢出嚟❤mamamia 麵豉湯裏面有一片片嘅魚肉，好香好重嘅魚味，但絲毫沒有腥味松葉蟹蒸蛋松葉蟹肉超多，每一啖都有蟹肉嘅肉絲，儘管蛋味都好香濃，超級滑

呢排好興食omakase ，上次食完都唔係好夠喉，今次朋友介紹嚟呢一間位於旺角嘅初鮨，小弟覺得性價比超級高，平均每人$500，1個午餐嘅set，絕對係超值，因為我覺得佢嘅服務、食物質素同埋環境都係頂級嘅質素！介紹返先，今日服務我哋嘅師傅叫做佳師傅，超專業，朋友等緊我嘅時候都會傾兩句，真係好似返咗日本咁！柚子沙律第一，前菜就係柚子沙律，上面有一兩片蕃茄仔，開胃就固然不在話下，我覺得生菜非常之清新，適合refresh你嘅口蓮藕漬其實我去日本最鍾意就係食佢嘅漬物❤，今次竟然食到蓮藕漬，即刻聯想起以前有得去旅行嘅時候，住過嘅一間飯店，裏面都有提供啲上次嘅前菜，真係好懷念。等我由右至左介紹俾大家！北海道元貝配竹炭本身擔心緊竹炭會唔會好苦，食落完全唔會，元貝嘅鮮味好突出，慢慢細嚼會有一絲絲嘅甜味，我諗天下間只有日本嘅北海道元貝先至有咁嘅味道。間白魚呢個食落會有小小嘅腥味，魚味重，魚肉都好爽脆赤身唔會係好綿嘅口感，當喺口腔慢慢細味嘅時候，覺得自己好似喺太平洋嘅深海裏面游水。太刀魚灑落魚肉上面嘅香蔥係來自日本嘅，我其實係一個香蔥界嘅KOL，台灣嘅三星蔥、日本嘅大蔥、我都好鍾意，而今次師傅嘅料理方法真係

今天臨時在OpenRice預約下午1:30到初鮨吃午餐的廚師發板。壽司不怎麼樣，只有池魚較好，而且在師傅上最後一件壽司時，發現師傅的指甲有黑邊。連最後吃的蒸蛋也令人大失所望（沒有蛋香味，猶如水一般）。侍應的服務態度一般，很多時候也沒有主動加茶，而且往往在不適合的時間收碟。付款離席後，便去逛街，可是不到半小時，肚子突然絞痛，需要衝往洗手間，以為去完一次洗手間就沒有大礙，可惜事與願違，在過了15分鐘，又衝往洗手間屙水，連續屙了兩次。此後也不會再光顧！

真心好差。唔洗試。中哂伏。無論食材，服務，環境都好唔掂。真係體驗到一分錢一分貨。不過佢同D定食差唔多。所有野都好冇心思，同個定食冇咩分別，食材超唔新鮮，好求其，幾平都唔係咁。你真係唔好叫Omakase。差到一個點。要我寫多一百字評語，都係數臭佢。蒸蛋- 無味，唔好講話鮮甜味，蛋味都冇。沙律- 橄欖油，麻醬都冇滴三色刺身- 帶子3S，油甘正常，放題貨10件壽司- 佢連D魚係咩都唔知，不過佢同我介紹，我都O哂嘴，刺身又簿又細，大細不一，因為唔係Bar枱，燒嘅冷左合理，但件件都冇鮮味，好確定D貨唔新鮮，$400冇海膽，冇拖羅，貴少少新鮮食材都冇。諗住近近地試下，見佢咁多廣告，就中伏

網上見到好多人推薦呢間位於旺角既omakase, 勝在佢既lunch CP值好高，$280 起都食到😀今日就黎試一試佢個lunch, 我地叫左佢星期一至四先有既”櫻”套餐，包前菜，茶碗蒸，壽司8件，手卷一件，湯，甜品😋Omakase 除左食物之外，成個環起同體驗都好緊要。呢間餐廳雖然面積少，最多只可容納幾檯客，但裝修都好企理乾淨，充滿日本風🤩食物方面，食材都新鮮，雖然得8件壽司，但慢慢食食完都會飽，咁既價錢同質素算係CP值高既一餐omakase👍🏻

食物質素是不錯的。第一次食就試咗平啲嗰個餐。平均來講食物質素幾唔錯，冇咁多花款係比較傳統啲嘅omakase。但係份量可能對男生就唔夠，因為我係女仔就覺得剛剛好。

食 Omakase 通常食完都唔記得食左麥，總之就十款刺身壽司件件都係時令新鮮就是了。🤣🤣🤣「初鰭」就在旺角彌敦道近登打士街，一間有質素價錢又貼地的日式廚師發板。靚女店員招呼細心又親切，廚師攪笑好親民。看完餐牌後我們決定了「滿」$1280。🍶食刺身當然要來一支日本清酒，酒精度低微甜易入喉。🥢先來三小碟小食，記得中間牛蒡好食。🥢日本出名盛產蠔，果然是又甜又滑，面層有粒粒果凍酸酸甜甜帶出蠔鮮味。🥢手握壽司比機制更柔軟，感覺軟糯黏口，至於刺身還記得金目鯛魚鮮甜爽口，右口魚入口即溶化魚油脂滿嘴都是，最後熱食杯碗蒸蛋香嫩滑美味可口，今晚可說是大飽口福。😍😍😂

食之前都關注左一段時間，好多都係講性格比好高，都有講佢出餐比較快，剛上前菜就上蒸蛋，不過對佢都係正面評價。今次我就同朋友黎慶祝生日，我倆都係叫梅依個lunch set , 上菜時間就無網上講咁快，我倆進食速度不一啦，但師傅都會等我倆完全食完前菜先上蒸蛋，之後每道菜都根據我倆進食速度上菜。座位係有啲逼，出入係有啲困難，加上吧檯都比較高，增加左難道。不過，服務員都會幫助，又會細心咁收拾碗碟，令個過程十分安靜。食物方面，大多數都係北海道進貨，十分新鮮，最中意係帶子，池魚，好清甜。最後一個小插曲，師傅忘記上左幾多件壽司😂😂