影片
更多
2019-06-06
121 瀏覽
周末一到晚飯時間喺新港城好難搵位，我哋行咗幾間，最快等到板長一坐低侍應就上熱茶，玄米綠茶散發住芳香，等我哋暖暖胃先開始食生冷野。我哋兩個女仔叫咗一個刺身丼加七件壽司，用tablet點完餐唔駛等好耐就到海膽北海赤酢丼+麵豉湯set $128 - 壽司飯微酸，飯粒飽滿，唔駛再加調味都好好食，加啲wasabi辣味再刺激啲。刺身料唔算多，但每樣都算新鮮: 海膽量多，口感濃厚，一啲腥味都冇，雖然鮮甜啲仲滿足但已經係近年食過比較出色嘅；帶子略嫌切得唔夠厚，唔夠鮮甜；三文魚同油甘魚不過不失；松葉蟹拆得太碎，略帶雪味。呢個set仲有麵豉湯，濃度剛好，帶蔥香，冬瓜同海帶吸曬湯食埋更滋味^ 呢個係同friend分咗一人一半嘅量，都唔少蝦三味（赤蝦、甜蝦、板長蝦）壽司$33 - 呢set好抵食！三種蝦各有不同，要順次序食我會揀食甜蝦先(下圖最頂嗰件)肉質肥美，而甜度係三種裡面最平凡嘅；跟住食赤蝦（下圖最底) 彈牙肉厚，帶有濃濃嘅蝦味可惜隱隱有啲腥；最後食板長蝦(下圖中間) 肉質結實，越食越滲出蝦嘅甘甜螢光魷魚軍艦 (期間限定)$9 - 魷魚太細隻冇咩肉，但好爽口。呢款魷魚原隻上，仲保留內臟嘅部分，加埋點喺上
一坐低侍應就上熱茶，玄米綠茶散發住芳香，等我哋暖暖胃先開始食生冷野。我哋兩個女仔叫咗一個刺身丼加七件壽司，用tablet點完餐唔駛等好耐就到
海膽北海赤酢丼+麵豉湯set $128 - 壽司飯微酸，飯粒飽滿，唔駛再加調味都好好食，加啲wasabi辣味再刺激啲。刺身料唔算多，但每樣都算新鮮: 海膽量多，口感濃厚，一啲腥味都冇，雖然鮮甜啲仲滿足但已經係近年食過比較出色嘅；帶子略嫌切得唔夠厚，唔夠鮮甜；三文魚同油甘魚不過不失；松葉蟹拆得太碎，略帶雪味。呢個set仲有麵豉湯，濃度剛好，帶蔥香，冬瓜同海帶吸曬湯食埋更滋味
^ 呢個係同friend分咗一人一半嘅量，都唔少
蝦三味（赤蝦、甜蝦、板長蝦）壽司$33 - 呢set好抵食！三種蝦各有不同，要順次序食
我會揀食甜蝦先(下圖最頂嗰件)肉質肥美，而甜度係三種裡面最平凡嘅；跟住食赤蝦（下圖最底) 彈牙肉厚，帶有濃濃嘅蝦味可惜隱隱有啲腥；最後食板長蝦(下圖中間) 肉質結實，越食越滲出蝦嘅甘甜
螢光魷魚軍艦 (期間限定)$9 - 魷魚太細隻冇咩肉，但好爽口。呢款魷魚原隻上，仲保留內臟嘅部分，加埋點喺上面嘅芥末沙律醬，帶出魷魚嘅甜味！紫菜仲好脆，要整好冇幾耐上枱先可以保持咁嘅新鮮度
火炙醋鯖魚$7 - 食到來自醋嘅酸味，好清爽，再加略略燒焦過嘅香味，好食
火炙三文魚壽司$9 - 調味冇醋鯖魚咁花巧，味道天然，肉厚而且燒焦過好香
赤貝壽司$12 - 厚肉爽脆，但鮮甜度略嫌不足
呢度嘅wasabi味道比現成嗰啲更香更辛辣，同刺身一齊食仲食到芥末嘅纖維，其他連鎖餐廳好少食到，鍾意食辣嘅話嚟到要試下啦
張貼
