影片
更多
2018-06-06
257 瀏覽
打工仔都好期待星期五，我都唔例外，而且仲會整日都好鬆容，特別係夜晚個餐，點可以唔食好啲獎勵下自己。於是做下功課，著手搵咗近公司嘅日式料理店去放鬆下。成日經過，睇見門口Menu似乎係好主打燒海鮮嘅店家。是日六點多嘅時份，人流唔算好多，所以基本上唔洗等侍就入坐。睇Menu飲品時，侍應推薦咗兩杯飲品：白桃梳打、柚子啤酒，因為都幾罕見，於是都柯打咗。唔飲酒精嘅我自然係飲白桃梳打，口味有少少似心心糖味，但係清清甜甜，味道調配得宜，幾好飲。其後前菜沙律＞刺身壽司＞小食＞燒海鮮＞鍋物嘅次序陸續上菜。個人幾鐘意呢到嘅刺身，首次咁正式地食池魚、左口魚刺身，侍應細心地為我地介始食法。先用紫菜墊底，夾一片池魚再係上邊放少量池魚肉，夾些少薑及蔥粒，包埋一齊食，口感滿分。意外地池魚一啲都唔腥，而係池魚獨有嘅味道；特別係拌池魚肉稍調過味，更加增添咗幾分風味，推薦。而左口魚新鮮而且重魚味，另外配一個醬油供點蘸，有啲柚子醋味，但配搭起左口魚又幾夾。其間壽司盛合到，一共十一款壽司，包括海膽、帆立貝、三文魚腩、三文魚籽、油甘魚、鯛魚、劍魚、比目魚、熟蝦、吞拿魚同青瓜軍艦。由於款式都係每款各一，所以食壽司盛合好考驗情義。海
是日六點多嘅時份，人流唔算好多，所以基本上唔洗等侍就入坐。睇Menu飲品時，侍應推薦咗兩杯飲品：白桃梳打、柚子啤酒，因為都幾罕見，於是都柯打咗。唔飲酒精嘅我自然係飲白桃梳打，口味有少少似心心糖味，但係清清甜甜，味道調配得宜，幾好飲。
其後前菜沙律＞刺身壽司＞小食＞燒海鮮＞鍋物嘅次序陸續上菜。個人幾鐘意呢到嘅刺身，首次咁正式地食池魚、左口魚刺身，侍應細心地為我地介始食法。先用紫菜墊底，夾一片池魚再係上邊放少量池魚肉，夾些少薑及蔥粒，包埋一齊食，口感滿分。意外地池魚一啲都唔腥，而係池魚獨有嘅味道；特別係拌池魚肉稍調過味，更加增添咗幾分風味，推薦。而左口魚新鮮而且重魚味，另外配一個醬油供點蘸，有啲柚子醋味，但配搭起左口魚又幾夾。
其間壽司盛合到，一共十一款壽司，包括海膽、帆立貝、三文魚腩、三文魚籽、油甘魚、鯛魚、劍魚、比目魚、熟蝦、吞拿魚同青瓜軍艦。由於款式都係每款各一，所以食壽司盛合好考驗情義。海膽，鮮味十足，有淡淡海水味。三文魚，脂肪分佈平均，魚油豐富。帆立貝，鮮甜美味。值得一提，呢度壽司飯用咗赤醋去整，所以特別香。
再泥辣味炸豆腐、牛油炒野菜，食番呢啲輕小食，泥暖番下肚。炸豆腐炸得好好，外皮脆內裡豆腐滑，味道雖然略淡，可以配七味粉或醬油去食。牛油炒野菜份量多，而且炒得極香牛油味，必叫。
期間侍應準備爐火，為我地製作磯燒烏賊、貴妃蚌。磯燒烏賊需時雖然比較長，但侍應耐心烹調，不間斷地塗上燒汁，直至烏賊入味。我諗大概十多分鐘可以起筷，果然入味，而且一啲都唔會煮得太老，口感爽口，非常野味。而貴妃蚌亦隨之加入清酒再慢煮，侍應悉心留意時間同熟透度，不稍一會，貴妃蚌都可以食得，熟透度剛好，不會太生亦不會太老，清酒配合下，整體變得非常鮮甜可口，食得出十分新鮮。
源源不絕地，我地仍有一個日式甜醬牛肉鍋作最後終結。湯底除咗調味帶微甜，而鍋內除咗肉、蔬菜香菇、仲有薯粉，真係十分足料！所以有時吃到最後覺得肚凍凍地或未夠飽，呢個鍋係非常好嘅選擇。
張貼
