影片
更多
2021-10-04
806 瀏覽
之前都會來這間食lunch, 今日因為多人，故被安排坐對住刺身枱吧枱位大概1年前刺身部都全都係男師父，今日只得一個男師父加一個女員工（唔覺佢似師父，但聽佢同男師父不停「吹水」，其中提及磨刀話題時，佢自稱之前間店做左7年），個女員工既行為及衛生操手等，只可以講係似做茶餐廳；日本菜，仲要係刺身部來講衛生意識係惡劣！首先，女員工2隻手各帶1隻粗銀色介子，無帶手套來砌黃蘿蔔，第一眼見到我同我同事都對望左一眼，只係幫佢諗個藉口： 咁佢都唔係刺身師父，只係助手砌配菜即，唔除介子都可以既….點知話口未完，就有客人落單叫左5碗刺身飯，咁個女員工負責整個5碗刺身飯，基本上佢只係做「執碼」工序：落飯，味素等既工作都仲算正常，但去到落旦絲真係嚇死人….佢係個預備好晒既盒到用手「執」一堆旦絲放落碗，放左四碗之後佢就用手將跌係枱面既旦絲就咁掃返晒落個放旦絲盒入面！（安慰自己：佢張枱都應該乾淨既，頭先係上面切完黃蘿蔔）點知佢掃完無耐再整埋第5碗後，佢用塊抺手布（一路做唔同工作，切蘿蔔，入盒，開雪柜，放飯等，全部所有工序之問就用呢塊野布抺手，無洗過）將枱面既旦絲全數掃晒落第5碗到！係用塊抺手布！啲下真係完全諗唔到任
大概1年前刺身部都全都係男師父，今日只得一個男師父加一個女員工（唔覺佢似師父，但聽佢同男師父不停「吹水」，其中提及磨刀話題時，佢自稱之前間店做左7年），個女員工既行為及衛生操手等，只可以講係似做茶餐廳；日本菜，仲要係刺身部來講衛生意識係惡劣！
首先，女員工2隻手各帶1隻粗銀色介子，無帶手套來砌黃蘿蔔，第一眼見到我同我同事都對望左一眼，只係幫佢諗個藉口： 咁佢都唔係刺身師父，只係助手砌配菜即，唔除介子都可以既….
點知話口未完，就有客人落單叫左5碗刺身飯，咁個女員工負責整個5碗刺身飯，基本上佢只係做「執碼」工序：落飯，味素等既工作都仲算正常，但去到落旦絲真係嚇死人….佢係個預備好晒既盒到用手「執」一堆旦絲放落碗，放左四碗之後佢就用手將跌係枱面既旦絲就咁掃返晒落個放旦絲盒入面！（安慰自己：佢張枱都應該乾淨既，頭先係上面切完黃蘿蔔）點知佢掃完無耐再整埋第5碗後，佢用塊抺手布（一路做唔同工作，切蘿蔔，入盒，開雪柜，放飯等，全部所有工序之問就用呢塊野布抺手，無洗過）將枱面既旦絲全數掃晒落第5碗到！係用塊抺手布！啲下真係完全諗唔到任何藉口幫佢解釋！
全程男師父係到切緊魚生，唔知佢睇唔睇到，但當有客人坐正正係你整刺身既吧枱睇住你整野食，己經無帶手套，唔太洗手，仲要「唔好浪費」咁掃返晒跌左係枱面既旦絲落客人既魚生飯到，啲間餐廳（唔好話日本野，我諗任何食肆都唔應該）永遠black List 唔會再食！
張貼
