金萊餐廳 (已結業)

作為寫字樓核心地區一間比較走斯文路線嘅茶餐廳，為何你哋嘅員工可以咁低水準，自己忙碌餐廳多客有時手忙腳亂做唔切野，其實人客係會好明白的，但係冇需要將自己個冇耐性嘅面口同埋語氣發洩喺人客身上，👉🏻你哋前台收銀個位女人已經唔係第一次，我以感受過三次佢喺好忙碌嘅情況之下收款聲氣同埋面口都係非常之差，你哋忙係你哋嘅事，我哋身為人客亦都冇做任何嘢，只係落單或者俾錢啫，點解要因為你哋嘅忙碌而我要受你呢位前台收銀小姐姐嘅脾氣呢？好似於理不通囉！之前亦都試過幫我落錯單一句唔好意思都唔會講，我都冇出過任何聲同你地投訴過！今次我覺得真係有必要訓話一下你個員工如果唔係影響晒你哋公司形象，嘢食水準高但係服務態度差點都唔會係一間成功嘅餐廳囉！