影片
更多
2020-11-24
202 瀏覽
捍衛廣東話，捍衛繁體字，最緊要正字！斑腩不是班腩，鹹檸七不是鹹檬七。轉眼 3 年多無到訪，點心質素提升許多喎，比起大埔街市林記更高階，不過蒸飯依然少爛濕淋淋。上水區東記及興記休息，點心我鍾意馬仔記，金都酒樓重開覺得質素下降差中，見到城記有點心有私人位唔洗搭枱就即刻坐低，獨獨餐一盅三件剛剛好。普通難食銻盅排骨飯上水街市都賣 $25 蚊，銅鑼灣波斯富街曉廚軒酒店級味道高質瓦盅賣 $28 蚊抵到爛啦！興記無開，我想食碗出前一丁架！唯有城記求鬼其食點心。見到有間新餐廳開張，龍鳳茶餐廳？個名好熟，爆場座無虛席，有機會試試。人生進入另一階段，街市阿伯一盅兩件，成場都係毒能伯好可怕！早前仲以為街市唔會有鐵觀音，求期叫壽眉啦！誰知剛落完單，後面阿叔一坐低就要鐵觀音，我以乎有點偏見呢，早知問左先算啦，有咩好估啫！阿姐阿嬸個個朝氣勃勃充滿活力混身是勁，聲線熱情開朗，服務熱誠落力，敬業樂業，正能量滿瀉，要大大力讚！食客們都食得開心舒服又暢快，收銀四眼姐姐青春又靚女，難怪客似雲來！四眼妹妹溫柔有禮招乎周到，感覺好溫暖啊！走進阿叔阿伯的世界，被咳嗽叔伯重重包圍，非常極之有壓力！只想忙裡偷閒一盅兩件街市嘆啖茶，附
興記無開，我想食碗出前一丁架！唯有城記求鬼其食點心。見到有間新餐廳開張，龍鳳茶餐廳？個名好熟，爆場座無虛席，有機會試試。人生進入另一階段，街市阿伯一盅兩件，成場都係毒能伯好可怕！
早前仲以為街市唔會有鐵觀音，求期叫壽眉啦！誰知剛落完單，後面阿叔一坐低就要鐵觀音，我以乎有點偏見呢，早知問左先算啦，有咩好估啫！阿姐阿嬸個個朝氣勃勃充滿活力混身是勁，聲線熱情開朗，服務熱誠落力，敬業樂業，正能量滿瀉，要大大力讚！食客們都食得開心舒服又暢快，收銀四眼姐姐青春又靚女，難怪客似雲來！四眼妹妹溫柔有禮招乎周到，感覺好溫暖啊！
走進阿叔阿伯的世界，被咳嗽叔伯重重包圍，非常極之有壓力！只想忙裡偷閒一盅兩件街市嘆啖茶，附近四眼短髮阿婆食客鬼殺咁嘈！食盅十幾蚊排骨飯要唔要專人服侍您呀？幫您捽埋腳趾好無？仲要鬧後生仔侍應：生著您就死啦！後生仔睇落廿歲都無，人身攻擊勁過份，福佳廢老！
鐵觀音，空虛寂寞的茶壺沒人理會，個個大媽阿嬸扮睇唔到，功力深厚話能知您！平時我一壺鐵觀音就剛剛好，少可地洗碗筷用多左，而且好頸渴飲多左，算鬼數預備飲埋最後一啖茶埋單閃！終於有位熱心紅毛四眼姐主動幫我添茶，多謝您啊！第一壼甘香濃厚，第二壼已經無晒味咯。眼見有幾位阿伯自己行去添滾水，都費事靠您班大媽阿嬸！
城記蝦餃皇，新鮮出爐剛蒸起，雖然不是噴住煙騰雲駕霧般出場，但溫度剛好燙嘴非常好！餃皮完整無缺，不會濕淋淋不會爛溶溶，淡淡粉紅半透明入口嚥韌，蝦仁爽甜有鮮味不陰沉死實，有料到食得下喎！
干蒸燒賣，不見三年刮目相看，當年淋劈劈濕到爛溶黏黏的燒賣不再出現！燒賣雖則不熱騰騰只散發微弱的暖意，不過大大粒肉球混蝦肉非常甜美可口，未入口已聞到肉香無比，結實的肉球一咬爆汁，蝦爽肉彈，堅好食！
四寶雞紮，到底隱藏什麼餡呢？戰戰兢兢地拆開，希望不會是我討厭既芋頭吧！驚喜萬分，開心死！火腿、豬肚、魚肚、雞柳，四寶雞紮理應成條咬，不是拆開續一擊破的，但實在太熱喇，出晒白煙！唯有兩寶兩寶食。豬肚爽甜無比不乾不鞋不粉又無苦澀味，好好食呢！夾埋爽彈綿滑多汁魚肚同吃，無得頂啊！雞柳可口醃味宜人甜美，讓腐皮捲著嘴嚼，充滿肉汁，那有不好吃的理由。
豉椒排骨飯，何解已會落豉油既？仲諗住檯面樽豉油係自己落添。排骨滿到瀉，六七粒排骨堅足料，仲好多軟骨喎！趙到咯咯聲好過癮。意料之外的味道，肉香霸道，肉甜味出眾兼有咬口，高質讚嘆。眼測已濕淋淋，試兩啖太難食要忍心放棄！只以一種飯煮成，不是自家混米欠缺飯香欠缺嚥韌飽滿的食味。
北菇滑雞飯，巨形雞柳滑嘟嘟熱騰騰，彈牙軟棉，鹹香超強味濃，要爬多兩啖飯先得！雖重口味但味道好，十分可口好好食，係鹹左少少。似乎跟排骨飯一樣濕濕爛爛水滴滴反晒光！都照樣翻弄一下查看底部什麼情況，一插落去有點分別，由筷子傳來結實的感覺，太好了！先來口原味，上部濕而下部乾，攪拌均勻後剛好平衡，加埋勁香辣辣椒渣與甜豉油混和，係依隻味喇！惹味刺激開胃，其實不想食太多飯，不經意食掉大半盅飯呢！嬸嬸驚訝地叫仲叫飯？食唔食得晒架？我梗係食得晒啦！心諗都要睇下您盅飯好唔好食既。
豉椒蒸排骨，自製雙併蒸飯，豉椒排骨北菇滑雞蒸飯，貪吃的人有福了！不肥不膩的排骨，無話油淋淋，而且無肥膏。肉多骨少啖啖嫩肉甜美好食，醃味清香肉汁飛射，質優彈滑滿分無得輸！鵪鶉蛋燒賣，微暖大大肉球拓住大大鵪鶉蛋滾進口中，一咬齊齊爆開！肉碎跟蛋黃融合，甘甜濕潤美味，何解有蝦仁既？驚喜不斷，令單調的肉蛋味道生色不少！
蠔汁鮮竹卷，厚厚的芡汁保溫度極高，雖沒半點煙霧一咬之下極為燙嘴，滾燙肉汁如激流噴射，啖啖都係肉？再咬落去都係啖啖美味肉鬆，正到痺！全部都係肉，只有少許芹菜作點綴，散發一點點清香緩和一下，還有十分滑溜的腐皮，已索盡肉汁及芡汁，我同樣比滿分！
山竹牛肉，超級滾熱辣噴煙登場！勁鬆牛肉密度低，不過夠晒滑嘟嘟軟塾棉棉，水潤連連濕濕的爆汁可口！清香的檸檬葉及爽甜馬蹄粒混在肉球之中，淋上大量甜酸喼汁，被滑而嚥韌腐皮所吸收，味道醒腦開胃酸咪咪！薑蔥牛柏葉，驚典 Albert Yip 登場！廚房師傅有誠意既細心又好功夫，居然能夠蒸到爽彈不鞋不韌不過火，無話蒸到變刷子膠。薑蔥芡甜美可口已滲入牛柏葉之中，每啖都充滿風味。
鱆魚肉餅飯，四眼妹妹推介鱆魚肉飯，您話掂就掂啦，好好好！厚厚的肉餅，索一索鱆魚味香噴噴舒筋活骼，咬一啖彈滑嚥韌，海味味道出眾。豬肉鬆化多汁肉香無比，飯粒超級爽乾飽滿，我最愛的質地！淋上甜豉油，混入勁辣辣椒渣撈得均勻，搭上肉餅一齊食越食越起勁越開胃，越食越滋味越滿足！原本只想食半盅飯，但真係不能自拔，最終清得一乾二淨！
南乳豬手，骨多肉少，皮膠黏黏最愛的質感，幾乎食唔到半點肉。勁咸勁咸吃不消都照頂，飲多兩啖茶啦！蠔油鴨腳紮，蠔油在那？真係食唔出，只得咸咸味道，好咸的味道。芋頭我唔食的，掉埋一邊。肥騰騰油淋淋腍劈劈的豬肉鬆，腐皮正常嚥韌帶滑，鴨腳皮超級爽脆，趙到索索聲。
豉汁鳳爪，微暖芡汁半凝固漿實鳳爪黏黏的，味道極重油淋淋又有點咸，難食矣！但唔想浪費，唯有照清晒去，食完好頸渴。醬皇金錢肚，夠熱夠濃，爽爽質地撈飯食好好味喎。咖哩魷魚，無鬚無頭既？好采原來收埋係底。水魷都蒸到腍啤啤，不爽不脆不彈，炆水魷咩？咖哩水勁薄，微香微辣合格。
糯米雞，變晒形！仲要漏晒餡料出黎，賣相差得很，而且微暖不熱騰騰。勁大舊雞扒肉直接塞入口，嫩滑雞美好幸福啊！多汁甜美肉醬併上濕濕黏黏糯米飯，撞得出色滋味無窮。火腿立方咸香醒神，鵪鶉蛋跟糯米飯同時食特別甘香！如果換上咸蛋黃及肥叉就更高檔更開心啦。雞絲粉卷，終於一睹蘆山真面目！其實從來未食過，非常懷舊非常罕見。唔見雞絲只有雞球，硬實外濕內乾，多蔥混西芹甘筍，厚厚粉皮吸入豉油，湊合出來的色香味都麻麻地。
煎蛋牛肉飯，忘記走菜添，免強一試吧！椰菜有澀味不清甜一片即 放棄。我期待著會否給我太陽蛋呢？唔太陽蛋都會荷包蛋掛，最後收到全熟蛋有點失望，還要廿十成熟煎老蛋一啖再放棄。強烈檸檬葉香氣，微弱牛肉味道，幸好有甜豉油辣椒油幫拖，撈上嚥韌乾爽靚飯，連我不愛飯的都要食多幾啖，惹味刺激可口美味！牛肉堅有彈力勁滑嘟嘟仲有少少肉汁濕濕的，十足十似彈牙魚滑一樣。
城記蝦餃皇
10 瀏覽
0 讚好
0 留言
干蒸燒賣
3 瀏覽
0 讚好
0 留言
四寶雞紮
5 瀏覽
0 讚好
0 留言
四寶雞紮
2 瀏覽
0 讚好
0 留言
豉椒排骨飯
1 瀏覽
0 讚好
0 留言
豉椒排骨飯
3 瀏覽
0 讚好
0 留言
北菇滑雞飯
1 瀏覽
0 讚好
0 留言
北菇滑雞飯
0 瀏覽
0 讚好
0 留言
北菇滑雞飯
0 瀏覽
0 讚好
0 留言
豉椒蒸排骨
1 瀏覽
0 讚好
0 留言
鵪鶉蛋燒賣
1 瀏覽
0 讚好
0 留言
蠔汁鮮竹卷
4 瀏覽
0 讚好
0 留言
蠔汁鮮竹卷
1 瀏覽
0 讚好
0 留言
山竹牛肉
1 瀏覽
0 讚好
0 留言
薑蔥牛柏葉
4 瀏覽
0 讚好
0 留言
鱆魚肉餅飯
1 瀏覽
0 讚好
0 留言
鱆魚肉餅飯
9 瀏覽
0 讚好
0 留言
南乳豬手
7 瀏覽
0 讚好
0 留言
蠔油鴨腳紮
1 瀏覽
0 讚好
0 留言
蠔油鴨腳紮
0 瀏覽
0 讚好
0 留言
豉汁鳳爪
2 瀏覽
0 讚好
0 留言
咖哩魷魚
2 瀏覽
0 讚好
0 留言
糯米雞
2 瀏覽
0 讚好
0 留言
糯米雞
0 瀏覽
0 讚好
0 留言
醬皇金錢肚
1 瀏覽
0 讚好
0 留言
雞絲粉卷
1 瀏覽
0 讚好
0 留言
雞絲粉卷
0 瀏覽
0 讚好
0 留言
煎蛋牛肉飯
5 瀏覽
0 讚好
0 留言
煎蛋牛肉飯
1 瀏覽
0 讚好
0 留言
煎蛋牛肉飯撈辣椒油
3 瀏覽
0 讚好
0 留言
張貼
