影片
更多
2024-06-16
374 瀏覽
原本book咗位7:30去試吓呢間評價幾好嘅餐廳。適逢父親節，家父鍾意飲酒睇波，所以就揀咗過嚟呢度飲酒食串燒。我哋7:11已經入咗，當時個場唔係好滿，只有幾台客人。我哋落單之後，一個年輕女職員同我哋講幾款嘢食已經冇，曾經問過佢係咪所有白鱔嘅食品都冇佢答我係，所以改咗做完條燒鰻魚，之後就開始無限等待，一杯嘢飲晒，乜嘢都野食都未落肚。等咗半個鐘有嘢食上嚟，係燒帶子，但問題係我哋冇叫過燒帶子，一個年輕男職員同我哋講：「唔係喎，你張單有寫」拎埋張單俾我睇，好明顯連張單都唔係我嘅。都已經知道佢哋搞亂晒單。差唔多40分鐘，上咗三隻燒生蠔，女職員擺低就行開咗，我地好奇，我明明冇叫燒生蠔，但叫咗半打生蠔就影都未見過，女職員先行返轉頭同我哋補充話呢個係book位送嘅。燒生蠔味道唔錯，大隻有海水味，食得出都係新鮮嘅。繼續等待，見其他遲過我地到嘅客人都陸續有嘢食上枱，差唔多50分鐘嘅時候終於上咗一個燒原條鰻魚同炸鱔骨，我已經餓到冇力再講廢話，問佢地明明話已經冇白鱔，點解又會有炸鱔骨上枱。原條燒鰻魚係平時商場會買到叮叮嗰款，咸！勁咸！好薄！白鱔骨係又乾又硬，冇乜調味。等咗超過一個鐘頭，所有嘢食都未上枱，忍唔住
我哋7:11已經入咗，當時個場唔係好滿，只有幾台客人。我哋落單之後，一個年輕女職員同我哋講幾款嘢食已經冇，曾經問過佢係咪所有白鱔嘅食品都冇佢答我係，所以改咗做完條燒鰻魚，之後就開始無限等待，一杯嘢飲晒，乜嘢都野食都未落肚。
等咗半個鐘有嘢食上嚟，係燒帶子，但問題係我哋冇叫過燒帶子，一個年輕男職員同我哋講：「唔係喎，你張單有寫」拎埋張單俾我睇，好明顯連張單都唔係我嘅。都已經知道佢哋搞亂晒單。
差唔多40分鐘，上咗三隻燒生蠔，女職員擺低就行開咗，我地好奇，我明明冇叫燒生蠔，但叫咗半打生蠔就影都未見過，女職員先行返轉頭同我哋補充話呢個係book位送嘅。
燒生蠔味道唔錯，大隻有海水味，食得出都係新鮮嘅。
繼續等待，見其他遲過我地到嘅客人都陸續有嘢食上枱，差唔多50分鐘嘅時候終於上咗一個燒原條鰻魚同炸鱔骨，我已經餓到冇力再講廢話，問佢地明明話已經冇白鱔，點解又會有炸鱔骨上枱。
原條燒鰻魚係平時商場會買到叮叮嗰款，咸！勁咸！好薄！白鱔骨係又乾又硬，冇乜調味。
等咗超過一個鐘頭，所有嘢食都未上枱，忍唔住問吓職員係發生乜嘢事，佢問:「請問你哋有咩係未上？」(^_^)我指住枱兩碟魚同佢講「除咗呢兩個乜嘢都未上過」佢哋話幫我了解一下，入咗一陣廚房出返嚟同我講廚房漏單，我立即同職員講：「咁我唔食喇，你同我全部cut晒佢」職員同我講:「唔好意思唔得，因為宜家食物已經入咗爐」 後來家人同我都好嬲，唔明白點解唔可以cut單？我地已經等咗咁耐，然後所有串燒都冇上過。
職員不斷道歉同我哋講，因為今日嘅外賣比較多，所以會有漏單嘅情況。我真係唔係太明白，既然餐廳知道自己應付唔到，點解唔係專注咗做堂食嘅客人先，而係要怪落外賣出唔切，請問我哋點解要體諒？
職員有話free我地一round酒，但係我同家人都好肯定要離開，最終佢哋都有俾我哋cut晒所有未上嘅嘢食。
我相信，呢間嘢啲嘢食質素可能唔會太差，但係今次嘅用餐體驗可以話係歷來最差嘅一次，可以睇得出職員年輕唔熟手，漏單，睇錯嘅情況嚴重，連Final印張單俾我哋睇曾經落過啲咩，都有嘢係漏嘅，做事亦推搪。
環境方面，後面嘅冷氣不停的水，地面係濕嘅好容易跣親人，家父亦比冷氣水滴濕幾次。
2 瀏覽
0 讚好
0 留言
張貼
