影片
更多
2018-09-04
53 瀏覽
紅磡一向都好多餐廳 今日睇完戲落大雨 咁就喺返個商場入面搵野食啦 見到呢間食小菜嘅 就入咗去食啦😗 呢間餐廳都幾多人食 我地兩個人都冇位 要坐bar檯 但係好肚餓就照坐啦 坐得唔係好舒服 射燈射住有啲熱 齋坐都出晒汗😥 佢個茶值得一提 好重麥味 我個人就好鍾意啦😻我地叫咗兩個餐 一個係沙嗲金菇粉絲肥牛煲 前菜就揀咗涼拌貓耳朵 酸酸辣辣嘅雲耳食落幾開胃 個肥牛煲份量幾多👍🏻 食粉絲都飽咗一半 味道就正正常常 唔係好辣 個個都啱食 牛嘅質素就普通啦 整體成個煲都一般 顯得前菜特別出色🤔 另外一個餐就真係完全唔推薦大家食啦 叉燒好乾好韌 份量仲好少 得六嚿 碟菜就更差 好乾身 好老 唔好食 仲有一個我唔鍾意嘅係個竹筒藜麥飯 個飯一嚿嚿 唔夠粒粒分明 又黏晒喺竹筒入面 好難潷出嚟😐 最後好驚喜嘅係甜品 牛乳芒果布甸 雖然細細杯 但係好香滑 全餐最好食竟然係呢個甜品⭐️ 總括嚟講 前菜同甜品就好好食 主菜同碗飯反而好一般 短期內應該唔會再嚟🤧
呢間餐廳都幾多人食 我地兩個人都冇位 要坐bar檯 但係好肚餓就照坐啦 坐得唔係好舒服 射燈射住有啲熱 齋坐都出晒汗😥
佢個茶值得一提 好重麥味 我個人就好鍾意啦😻
我地叫咗兩個餐 一個係沙嗲金菇粉絲肥牛煲 前菜就揀咗涼拌貓耳朵 酸酸辣辣嘅雲耳食落幾開胃 個肥牛煲份量幾多👍🏻 食粉絲都飽咗一半 味道就正正常常 唔係好辣 個個都啱食 牛嘅質素就普通啦 整體成個煲都一般 顯得前菜特別出色🤔
另外一個餐就真係完全唔推薦大家食啦 叉燒好乾好韌 份量仲好少 得六嚿 碟菜就更差 好乾身 好老 唔好食 仲有一個我唔鍾意嘅係個竹筒藜麥飯 個飯一嚿嚿 唔夠粒粒分明 又黏晒喺竹筒入面 好難潷出嚟😐
最後好驚喜嘅係甜品 牛乳芒果布甸 雖然細細杯 但係好香滑 全餐最好食竟然係呢個甜品⭐️
總括嚟講 前菜同甜品就好好食 主菜同碗飯反而好一般 短期內應該唔會再嚟🤧
張貼
