Ember (已結業)

餐廳環境非常舒服，好適合同朋友一齊嚟飲酒，而呢一度主要都係食fine dining，服務都非常好，侍應好有禮貌。前菜我就嗌左青口意大利粉配藍芝士忌廉汁，因為係前菜，所以意大利粉嘅份量唔多，但味道烹調得非常之好，青口有三隻，好重忌廉汁味。藍芝士忌廉汁煮到好濃，完全黐住晒啲意粉，食落口好creamy。而我嘅主菜就嗌左rib eye, 五成熟嘅肉眼扒煎得啱啱好，肉眼扒煎得好入味，厚度啱啱好，亦有成隻手掌咁大。啲配菜包括左菠菜、薯仔、蕃茄仔等等，都食得出用咗唔少時間烹調。而我點嘅呢一杯cocktail, 飲落口西柚同菠蘿味混合，酒精味唔算好重，反而菠蘿味比較出。