SOYmart by 豆乳狂人

營業中

休息中

其實細細個已經好鍾意食粢飯豆漿，但係冇諗過連粢飯豆漿都會進化🧬進化到咁前衛🧐值得推介呢間豆乳狂人，聽朋友介紹咗好耐，終於的起心肝去沙田試食，沙田呢間呢只係得外賣🥡冇得堂食，佢其他分店先有得堂食。8.6特濃豆漿超濃縮嘅豆漿，大大樽，仲可以揀走甜。狂人粢飯佢裏面嘅餡係用咗最傳統嘅油炸鬼，肉鬆同榨菜，而佢個飯就係煙煙銀銀大大粒，值得推介👍🏻拉C炸蛋個名係咪好特別呢，佢都係粢飯之一嚟㗎，不過佢係炸嘅粢飯，所以出邊係非常之爽脆，裏邊就煙煙銀銀，加埋肉鬆同雞蛋嘅餡，呢個都值得一試，好特別。炸雞軟骨夠鑊氣，酥脆嘅雞軟骨。椒鹽炸豆腐鬆脆嘅外皮，內裏軟林林，加埋椒鹽味，夠晒嘢味，食完一粒又一粒。除咗以上嘅小食之外，佢仲有獨特嘅豆漿同埋甜品。三色芋圓豆花煙煙銀銀嘅芋圓加幼滑嘅豆腐花。奶蓋布甸燒仙草濃郁厚厚嘅口感奶蓋，再加仙草布甸同豆漿，好得意嘅口感。多芒小丸子好煙人嘅小丸子，再加多芒，芒果汁，西米，鮮奶油，超濃厚creamy 嘅芒果配搭。滋潤之選芋泥，桃膠，西米，芋圓，睇個配搭就知道勁滋陰又滋潤。桃膠豆乳半樽嘅桃膠再加豆漿，養顏之選。