一芳台灣水果茶 (已結業)

今晚同朋友出旺角買野，晚上9點幾左右去左朗豪坊行，9點幾去的時候都見到排緊隊，但走的時候10點40分左右一個人都冇，於是即刻同朋友去買一杯試下，完全唔洗排隊！買左杯水果茶，再加粉圓（$33）。建議大家買水果茶叫半糖。就我而言，半糖嘅甜度同水果嘅酸度係啱啱好！配料都好多：有蘋果、橙、熱情果，我鍾意食珍珠，另外仲加左粉圓，但其實唔加都有啲水果肉同埋百香果可以咬下。整體（8/10），係貴少少，但比粉圓奶茶（$29）性價比更高！